6 جەلتوقسان, 10:13 1334 0 جاڭالىقتار اسىل تۇمار

جەلتوقسان ايى بوراندى بولماق

«قازگيدرومەتتىڭ» حابارلاۋىنشا، قازاقستاننىڭ باسىم بولىگىندە اۋا رايى قۇبىلمالى بولادى. كەي جەرلەردە جاۋىن-شاشىندى، سولتۇستىك، شىعىس جانە وڭتۇستىكتىڭ كەي جەرلەرىندە قار ارالاس جاڭبىر جاۋادى.

تەك ەلىمىزدىڭ باتىسىندا عانا انتيتسيكلوننىڭ ىقپالىمەن كۇن رايى اشىق بولادى. رەسپۋبليكانىڭ كەي جەرلەرىندە – تۇمان ءتۇسىپ، كوكتايعاق بولادى، بوران سوعادى، جەل كۇشەيەدى. قازاقستاننىڭ سولتۇستىگى مەن شىعىسىندا 30 م/س جانە ودان اسا وتتە قاتتى جەل كۇتىلەدى.

اقمولا، سولتۇستىك قازاقستان، شىعىس قازاقستان وبلىستارىندا جەل 15-20, ەكپىنى 23-28 م/س كۇشەيەدى. كەي جەرلەرىندە 30 م/س جانە ودان اسا كۇتىلەدى، كەي جەرلەردە تۇمان، كوكتايعاق، جاياۋ بۇرقاسىن كۇتىلەدى.

قوستاناي، پاۆلودار وبلىستارىندا جەل 15-20, ەكپىنى 23-28 م/س كۇشەيەدى، كەي جەرلەرىندە تۇمان، كوكتايعاق، جاياۋ بۇرقاسىن سوعۋى ىقتيمال. باتىس قازاقستان، قاراعاندى وبلىستارىنىڭ كەي جەرلەردە تۇمان، كوكتايعاق، جاياۋ بۇرقاسىن كۇتىلەدى، جەل 15-20 م/س كۇشەيەدى. جامبىل، تۇركىستان، قىزىلوردا وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل 15-20 م/س كۇشەيەدى، جامبىل وبلىسىندا ەكپىنى 23-28 م/س جەتەدى. اقتوبە، اتىراۋ وبلىستارىنىڭ كەي جەرلەرىندە جەل 18 م/س كۇشەيەدى، اقتوبە وبلىسىندا جاياۋ بۇرقاسىن سوعۋى مۇمكىن. الماتى وبلىسىنىڭ جالاڭاشكول اۋدانىندا جەل 17-22 م/س كۇشەيەدى.

سوڭعى جاڭالىقتار