5 جەلتوقسان, 20:27 597 0 قوعام انار لەپەسوۆا

ءمينيستردىڭ بۇرىنعى كەڭەسشىسى تەلەارنا ديرەكتورى بولىپ تاعايىندالدى

بەلگىلى جۋرناليست، جازۋشى ميراس مۇقاش«قازاقستان» رترك» اق باسقارما ءتورايىمى ءلاززات تانىسبايدىڭ بۇيرىعىمەن  «قازاقستان» رترك» اق اقتوبە وبلىستىق فيليالى «Aqtóbe» تەلەارناسىنىڭ ديرەكتورى بولىپ تاعايىندالدى.

جاڭا باسشىنى ۇجىمعا «قازاقستان» رترك» اق باسقارما ءتورايىمىنىڭ ورىنباسارى-قوعام باسقارماسىنىڭ مۇشەسى ەرجانار اشەيحان مەن اقتوبە وبلىسى əكىمىنىڭ ورىنباسارى مارات توعجانوۆ تانىستىردى.

ميراس قۇلتولەۋۇلى مۇقاشەۆ 1985 جىلى دۇنيەگە كەلگەن. ورازاەۆ اتىنداعى حالىقارالىق جۋرناليستيكا ينسيتيتۋتى، ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ تەلە-راديو جۋرناليستيكا كافەدراسىندا وقىپ، بىتىرگەن. ۇزاق جىلدار جەتەكشى تەلەارنالاردا ەڭبەك ەتتى. اتاپ ايتقاندا، ەڭبەك جولىن «حابار» اگەنتتىگى اق الماتى بيۋروسىنىڭ اقپاراتتىق-ساراپتامالىق باعدارلامالار ءبولىمىنىڭ ءتىلشى-رەداكتورلىعىنان  باستاعان. كەيىن اگەتتىكتىڭ قاراعاندى وبلىسىنداعى مەنشىكتى ءتىلشىسى، «قازاقستان» رترك» اق الماتى بيۋروسىنىڭ اقپاراتتىق-ساراپتامالىق باعدارلامالار ءبولىمىنىڭ ءتىلشىسى، رەسپۋبليكالىق "7 ارنا", "نىسانا" اقپاراتتىق-ساراپتامالىق باعدارلامالار ءبولىمىنىڭ الماتى قالاسىنداعى ءتىلشى-رەداكتورى،  «قازاقستان» رترك» اق الماتى بيۋروسىنىڭ اقپاراتتىق-ساراپتامالىق باعدارلامالار ءبولىمىنىڭ ءتىلشىسى، «زەردە» ۇلتتىق ينفوكوممۋنيكاتسيالىق حولدينگى» اق باس ساراپشىسى. «حابار» اگەنتتىگى باس پيار مەنەدجەرى. (قر اقپارات جانە كوممۋنيكاتسيالار ءمينيسترىنىڭ، قر اقپارات جانە قوعامدىق دامۋ ءمينيسترىنىڭ كەڭەسشىسى).

ۇيلەنگەن. ەكى ۇلى، ءبىر قىزى بار. قازاقستان جۋرناليستەر وداعىنىڭ سونداي-اق قازاقستان جازۋشىلار وداعىنىڭ مۇشەسى. «اق شاعالا» پروزالىق كىتابىنىڭ اۆتورى. «شابىت» حالىقارالىق فەستيۆالىنىڭ ديپلومانتى، قانىش ساتباەۆ اتىنداعى سىيلىقتىڭ يەگەرى، «قازاقستاننىڭ ۇزدىك ءجۋرناليسى» ماراپاتىن العان.

سوڭعى جاڭالىقتار