5 جەلتوقسان, 12:07 704 0 ءبىلىم انار لەپەسوۆا

اۋىل شارۋاشىلىعى مينيسترلىگىنە ءبىلىم گرانتتارىن ءبولۋ فۋنكتسياسى بەرىلەدى

قر ءبىلىم جانە عىلىم مينيسترلىگىنىڭ اۋىل شارۋاشىلىعى ماماندىقتارى بويىنشا ءبىلىم بەرۋ گرانتتارىنىڭ كولەمىن انىقتاۋ جونىندەگى فۋنكتسيالارى اۋىل شارۋاشىلىعى مينيسترلىگىنە بەرىلەدى.

بۇل وزگەرىستەر 2019 جىلعى 28 قازاندا مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى مەملەكەتتىك رەتتەۋ ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭىنا سايكەس جۇزەگە اسىرىلادى، دەپ حابارلايدى قر اشم ءباسپاسوز قىزمەتىنە سىلتەمە جاساپ.

«قابىلدانعان زاڭ اياسىندا قر ءبىلىم جانە عىلىم مينيسترلىگىنىڭ جوعارى جانە ورتا ارناۋلى وقۋ ورىندارىنداعى اۋىل شارۋاشىلىعى ماماندىقتارى بويىنشا ماماندار دايارلاۋعا ارنالعان مەملەكەتتىك ءبىلىم بەرۋ تاپسىرىستارىنىڭ كولەمىن انىقتاۋ، ولاردى ءبولۋ مەن ورنالاستىرۋ  باعىتىنداعى قۇزىرەتتەرى قر اۋىل شارۋاشىلىعى مينيسترلىگىنە بەرىلەدى»، - دەلىنگەن حابارلامادا.

قابىلدانعان بۇل وزگەرىستەر سالاداعى مامانداردى دايىنداۋدا مەملەكەتتىك تاپسىرىستى ناقتى قالىپتاستىرۋعا، قارجىلاندىرۋ كولەمىن دۇرىس انىقتاۋعا، ساپالى كادرلاردى دايارلايتىن جوعارى وقۋ ورىندارىن ادىلەتتى تۇردە ىرىكتەۋدى جۇرگىزۋگە جانە ماماندىقتار بويىنشا گرانتتاردى دۇرىس بولۋگە مۇمكىندىك بەرەدى دەپ كۇتىلۋدە.

جوعارىدا اتالعان زاڭنىڭ ءبىلىم بەرۋ گرانتتارىنا قاتىستى وزگەرىستەر مەن تۇزەتۋلەر ەنگىزىلگەن نورمالارى 2020 جىلعى 6 قاڭتاردان باستاپ ءوز كۇشىنە ەنەدى.

سوڭعى جاڭالىقتار