5 جەلتوقسان, 09:37 1165 0 شوۋ-بيزنەس Túrkistan Gazeti

رايىمقۇلوۆا رايىنان قايتپاپتى

Turkistan حالىقارالىق گازەتىنىڭ  21 قاراشا كۇنگى سانىندا  «رايىمقۇلوۆا رايىنان قايتىپ قالعان جوق پا؟ نەمەسە ونەر­پاز­دى كىم دەيمىز ەلدى الداسا» دەگەن تاقىرىپتا ماقالا جا­ريا­لان­عان بولا­تىن. ماقالادا قازىرگى زامانعى ءان­شىلەردىڭ فونوگ­رام­ماعا تۇگەل­دەي يەك ارتىپ، ونەردىڭ قۇنىن ءتۇسىرىپ، تىڭداۋشىنى جالىقتىرىپ وتىرعانى ايتىلعان. اتالمىش ماقالاعا قاتىستى مادەنيەت جانە سپورت  مي­نيسترىنىڭ كەڭەسشىسى ەرلان جۇرىنباەۆ رەداكتسياعا حابارلاسىپ، ماسەلەگە رەسمي جاۋاپ بەرەتىندىگىن جەتكىزگەن. تومەندە مادەنيەت مينيسترلىگىنىڭ جاۋابىن جاريالاپ وتىرمىز.

تابيعي ونەردىڭ تازالىعىن ساقتاۋ، فونوگراممامەن ءان ايتۋدىڭ ونەرگە، تىڭ­دارمان تالعامىنا كەرى اسەرى تۋرالى  ماسەلەنى جان-جاقتى زەر­دەلەي وتى­­رىپ، ساۋات­تى كوتەرگەن ءارى وتە ورىن­­دى ۇسى­نىس­تار ايت­قان باسىلىم­عا ريزاشىلىق ءبىل­دىرەمىز.

مينيستر ا.رايىمقۇلوۆا ءوز ءسو­زى­نەن قايتقان جوق. مادەنيەت جانە سپورت مينيسترلىگى بۇعان دەيىن ءمالىم­دەگەندەي، ونەر­دەگى تازالىقتى تو­لىق قولدايدى. بۇل ­–  قۇرعاق ءسوز ەمەس. وسى باعىت­تا ءىس ءجۇ­زىندە ءبىرشاما جۇمىستار اتقا­رىلىپ جات­قانىنان حاباردار ەتكى­مىز كەلەدى. ەڭ ال­دىمەن، مينيستر­لىكتىڭ  باستاماسىمەن قولد­انىستاعى «ءما­دەنيەت تۋرالى» زاڭعا فو­نوگرامما ءما­سەلەسىن باقىلاۋعا جانە كون­تسەرتتىك باع­دارلامالاردى وتكىزۋ بويى­ن­شا ءتيىس­تى وزگەرتۋلەر ەنگىزۋ تۋرالى زاڭ جو­باسى ازىرلەندى.

بۇل زاڭ جوباسىندا ورىنداۋشىلاردى تىڭدارماندارعا فونوگرام­ما قولداناتىنى جايىندا ەسكەرتۋگە مىندەتتەۋ كوزدەلىپ وتىر. ال بۇل ەس­كەرت­پەلەردى قۇزىرەتتى ورگان رەتىندە مادەنيەت جانە سپورت مينيسترلىگى قابىلدايدى. ونىڭ ىشىندە كەز كەلگەن جارنامالىق (افيشا، تەلە-راديو باعدارلاما) ماتەريالداردا فونوگرامما پايدالانىلاتىنى نە پايدالانىلمايتىنى كورسەتىلەتىن بولادى.

وسىلايشا، كورەرمەن مەن تىڭ­دار­مان فونوگرامما قولدانىلاتىن كون­تسەرتكە بارۋ نەمەسە بارماۋدى ءوزى شەشەدى. سونداي-اق فونوگراممامەن قويى­لاتىن كونتسەرتتىك باعدارلا­ما­لارعا بەلگىلەنەتىن بيلەت با­عا­سىنا دا ءوز اسەرىن تيگىزەدى، رەتكە كەلتىرەدى.

سونىمەن قاتار اتالعان جوبادا ەتي­كا ماسەلەسىنە، ورىنداۋشىلار­دىڭ كون­تسەرت كەزىندە ساحنادا ءوزىن-ءوزى ۇستاۋى­نا قاتىستى دا تالاپتار بار. اتال­عان ۇسىنىستار قازىرگى تاڭدا مەملەكەتتىك ورگاندار تاراپىنان تولىق قولداۋ تاۋىپ وتىر. ال فونوگراممانى تولىق جويۋعا باي­لا­نىستى كەيبىر مەملەكەتتىك ورگاندار تاراپىنان كەلىسپەۋشىلىك بار. دەگەن­مەن مينيستر ا.رايىم­قۇلوۆانىڭ تىكەلەي باقىلاۋى­مەن وسى با­عىتتا زاڭنامالىق ماسەلە­لەردى رەتتەۋ جۇمىستارى ءالى دە تاباندى ءجۇر­گىزىلىپ جاتىر. سىزدەرگە مادە­نيە­تىمىزدىڭ وزەكتى ماسەلەلەرى بويىنشا جاناشىرلىق تانىتىپ، ساۋال جول­داعاندارىڭىز ءۇشىن العىس بىلدىرەمىز.

سوڭعى جاڭالىقتار