5 جەلتوقسان, 09:27 839 0 زاڭ انار لەپەسوۆا

ازعىندىقتىڭ الدىن الۋعا نە كەدەرگى؟

سوڭعى جىلدارى ەلىمىزدە بالالارعا جىنىستىق زورلىق-زومبىلىق كورسەتۋ وقيعاسى جيiلەپ كەتتى. ىلگەرiدە مۇنداي قىل­مىستار باق-تا جاريالانا بەرمەيتىندىكتەن بولار، الگiندەي سوراقى جاع­دايلار قوعامعا مۇلدە جات كورiنە­تiن. ال قازىر الەۋمەتتىك جەلىنى اشساڭ دا، تەلەديدار قوسىپ، گازەت-جۋرنالدى پاراق­تا­ساڭ دا زورلانعان بۇلدىرشىندەر جايلى اقپاراتتاردان دەنەڭ تۇرشىگەدى. قانى­پەزەر­لىكتىڭ بەلەڭ العانى سونشالىق، ەكى كۇننىڭ بىرىندە قۇلاعىمىز شالاتىن مۇنداي جاڭالىقتارعا ەتىمىز ءولىپ بارا جات­قانداي.

بالا زورلاۋعا قاتىستى رەسمي دەرەكتەر تىم قورقىنىشتى. ماسەلەن، قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ دەرەگىنشە، 2013-2018 جىلدارى كامەلەتكە تولماعان 964 بالا ءزابىر كورگەن. بۇل – بەيبىت زاماندا ورىمدەي 964 بالانىڭ بولاشاعىنا بالتا شابىلدى دەگەن ءسوز.

ۇكىلەپ ءوسىرىپ وتىرعان پەرزەنتىنىڭ ءومى­رى قور بولعان اتا-انانىڭ اششى زارىن بيىل دا كوپ ەستىدىك. ازعىندىقتىڭ قۇر­بانى بولعان بالالاردى قايتا-قايتا ءجىپ­كە ءتىزىپ، ونسىز دا جازىلۋى قيىن جارانىڭ بە­تىن تىرنالاي بەرگەننەن تۇك ۇتپاسىمىز انىق. الايدا جامبىلداعى وقيعادان كەيىن كوكەيدەگى كوپ سۇراق قولعا ەرىكسىز قا­لام الدىردى.

تارازداعى №6 مەكتەپتىڭ 7-سىنىپ وقۋ­­شىسى تالتۇستە زورلاندى. ساباق كەزىندە اجەتحاناعا سۇرانىپ شىققان ورىمدەي قىز ازعىننىڭ ۋىسىنا تاپ بولدى. وقۋشى مەكتەپتىڭ ىشىندەگى اجەتحانا جابىق تۇر­عاندىقتان اۋلاداعى اجەتحاناعا شىعۋعا ءماجبۇر بولعان. اتا-انالاردىڭ ايتۋىنشا، مەكتەپ ماڭىنداعى اجەتحاناعا كىم ك­ورىنگەن كەلىپ-كەتەدى ەكەن. سەبەبى مەك­تەپ­تىڭ سول قاپتالىندا ىشكە ەنەتىن ەسىك بار. الگى قانىپەزەر سول جولمەن كەلىپ، جەتكىنشەككە ءجابىر كورسەتكەن. بەينەباقىلاۋ كامەرالارىنىڭ جازباسىنان ونىڭ مەكتەپ ماڭىن تورۋىلداپ جۇرگەنى انىق كو­رىنەدى. الايدا بوگدە ادامنىڭ وعاش ءجۇرى­سىنە قاۋىپسىزدىككە جاۋاپتى قىز­مەت­كەردىڭ ەشقايسىسى نازار اۋدارماعان. ءتىپتى، سىرتقا سۇرانىپ كەتكەن وقۋشىنىڭ ساباق ءبىت­كەنشە ورالماعانى دا ەشكىمدى الاڭ­دات­پاعان. ابدەن ازاپتالعان وقۋشى ءوزى كەلىپ، مۇعالىمگە ءمان-جايدى ايتقاننان كەيىن عانا بۇكىل مەكتەپ اياعىنان تىك تۇردى.

38 جاستاعى كۇدىكتى كوپ ۇزاماي قاماۋعا الىن­دى. جەرگىلىكتى پوليتسيانىڭ ءمالى­مە­تىنشە، ول 19 جىل بۇرىن ادام زورلاعانى ءۇشىن ءتورت جىل تۇرمەدە وتىرىپ شىققان. بوستاندىققا شىققاننان كەيىن ەسكى ادە­تىنە باسقان ازعىن ەندى تەمىر توردان وڭاي قۇتىلماسى انىق.

وسى وقيعادان كەيىن اتا-انالار جاپپاي دۇرلىگىپ، مەكتەپ باسشىلىعىن جازالاۋ­دى تالاپ ەتتى. ايماقتىڭ اتقامىنەرلەرى جى­لى ورىندارىنان ورە تۇرەگەلىپ، وقۋ­شىلاردىڭ قاۋىپسىزدىگىنە جاۋاپتى شەنەۋ­نىكتەر قىزمەتىنەن ايىرىلدى. وبلىستىق ءبىلىم باسقارماسىنىڭ باسشىسى راحيا تۇرماحانبەتوۆا، مەكتەپ ديرەكتورى سمانوۆا ءوز ەركىمەن جۇمىستان كەتتى. تاراز قالالىق پوليتسيا باسقارماسىنىڭ باسشىسى ارداق ءماديماروۆا قىزمەتىنەن بوساتىلدى. جالپى ءبىلىم بەرەتىن مەكەمەلەرگە بەكىتىلگەن كامەلەتكە تولماعانداردىڭ ءىس­تەرى جونىندەگى ۋچاسكەلىك ينسپەكتور، پوليتسيا مايورى رىسباەۆ ىشكى ىستەر ورگاندارىنان شىعارىلدى. تاراز قالالىق پوليتسيا باسقارماسى قىزمەتتەرىنىڭ ءبىر­قاتار باسشىلارى قاتاڭ سوگىس الدى.

سونىمەن قاتار №6 مەكتەپتىڭ ۆاحتەرى نۇرشاباەۆا، ديرەكتوردىڭ قۇقىقتىق ءىسى جونىندەگى ورىنباسارى وزبەكوۆا، اجەت­حاناعا سۇرانعان وقۋشىنى جىبەرىپ، ساباق بىتكەنشە ىزدەمەگەن گەوگرافيا ءپانى مۇعا­لىمى كيم، مەكتەپ ىشىندەگى كەزەكشىلىككە جاۋاپ­تى قازاق ءتىلى ءپانى مۇعالىمى باي­قۇ­لوۆا ءوز وتىنىشتەرى بويىنشا جۇمىستان كەت­تى.

اكىمدەر دە جازاسىز قالعان جوق. مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس وزىنە جۇكتەلگەن مىندەتتەردى تيىسىنشە ورىنداماعانى ءۇشىن تاراز قالاسىنىڭ اكىمى قايرات دوساەۆ قىزمەتىنەن بوساتىلدى. وبلىس اكىمىنە ەس­كەرتۋ جاسالدى.

ءجون دەلىك. شەنەۋنىكتەر جاپپاي قىز­مەتىنەن قۋىلدى. مەكتەپ باسشىلىعى مەن مۇعالىمدەر ءبىلىم وشاعىنان الاستاتىلدى. تالاي وشاققا قاسىرەت اكەلگەن قانىپە­زەرلىك وسىمەن تىيىلا ما؟ ارىپتەستەرىنىڭ جاپپاي جازالانۋى بالا قاۋىپسىزدىگىنە جاۋاپتىلاردىڭ جاۋاپكەرشىلىگىن ارتتىرا ما؟ جاڭا باسشىلاردىڭ كەلۋى بالا اڭ­دىعان ازعىنداردىڭ تورۋىلىن تىيا ما؟ ساۋال كوپ. بىرتىندەپ قويايىق.

 

1-سۇراق: مەكتەپتەگى اجەتحانا نەگە قۇلىپتاۋلى؟

وقيعا بولعان مەكتەپ شالعايداعى اۋىل­دا ەمەس، وبلىس ورتالىعىندا ورنا­لاس­قان. عيماراتتىڭ ىشىندە اجەتحانا بار، الاي­دا وقۋشىلاردىڭ ايتۋىنشا، ول كو­بىنە جابىق تۇرادى. نەلىكتەن؟ تەحنيكالىق سە­بەپتەن بولسا، مامان شاقىرىپ، جاڭا جاب­دىق الىپ، نەگە جوندەتپەگەن؟ الدە، با­لالار ۇقىپتى پايدالانا المايدى دەپ ادەيى جاپقىزىپ قويعان با؟ قاراشانىڭ قارا سۋىعىندا بالا نەگە دىردەكتەپ دالاعا شىعۋى كەرەك؟ تەلەارنالار تاراتقان ۆي­دەو­لاردان الگى اجەتحانانىڭ جاعدايى وڭىپ تۇرماعانىن ەل تەگىس كوردى. كەز كەل­گەن ماسەلەنىڭ سەبەبىمەن ەمەس، سالدارى­مەن كۇرەسەتىن ەسكى ادەتىنە باسىپ، شەندى­لەر تارازداعى وقيعادان كەيىن ەلىمىز بويىن­شا  مەكتەپ سىرتىندا ور­نا­لاسقان اجەت­حا­نالاردى تەگىس تۇگەندەدى. ءبى­لىم جانە عىلىم ءمينيسترى اسحات اي­ما­عامبەتوۆتىڭ ەسەبىنشە، قازاقستاندا اجەتحاناسى دالادا ور­ناتىلعان 2 352 مەك­تەپ بار. مۇنداي مەكتەپتىڭ 60 پايىزى – تۇركىستان وبلىسىندا، 54,6 پايىزى – الماتى وبلىسىندا، 44 پايىزى – باتىس قا­زاقستان وبلىسىندا جانە 43 پايىزى – قى­زىلوردا مەن شىعىس قازاقستان وبلى­سىن­دا ورنالاسقان دەيدى مينيستر. اي­ما­عامبەتوۆ ولاردىڭ ءبارىن جابۋدى ۇسىندى. الايدا قولاستىن­داعى­لارعا ناقتى تاپسىرما بەرگەنىن، ماسەلەنى دەرەۋ شەشۋگە شىن قۇلىق تانىتقانىن بايقامادىق. «ءبىر كۇننىڭ ىشىندە ەشكىم دە جىلى اجەتحانا سالا المايدى. شالعايدا ورنالاسقان ەلدى مەكەندەر بار. دەگەنمەن پروبلەمانى شەشۋ قاجەت» دەدى سوزباققا سالىپ.

ايتپاقشى، الگى 2 352 دەگەن تسيفردى مي­­نيستردىڭ تابان استىندا قايدان العانى بەل­گىسىز. ۆەدومستۆوداعىلار اۋىل-ايماق­تاعى مەكتەپتى تۇگەل ارالاپ، اجەتحانا­لا­رىن ساناپ شىقپاعانى انىق. مينيسترلىك وبلىستىق ءبىلىم باسقارمالارىنان سۇراپ، وبلىستاعىلار اۋدانداعىلاردى جۇمساپ، اۋدانداعىلار اۋىلداعىلارعا اتتانداعان بولار. الايدا جىلى ورىندارىنان تۇرۋعا ەرىنگەندەر اجەتحانا ارالاۋدى ار ساناپ، سۇرالعان ساندى جوبالاپ ايتا سالماعانى­نا كىم كۋا؟

الەۋمەتتىك جەلىدەگى وقىرمانداردىڭ جا­نايقايىنان ۇققانىمىز – شالعاي اۋىلداعى مەكتەپتەردىڭ كوپشىلىگى ءالى كۇن­گە دەيىن دالاداعى اجەتحانانى پايدالانادى. وسىدان كەيىن حالىقارالىق رەي­تينگ­تەر، يننوۆاتسيالىق جوبالار تۋرالى ايتۋدىڭ ءوزى ارتىق سەكىلدى.

 

 2-سۇراق: ەشكىم باقىلامايتىن بەينەباقىلاۋدان  نە پايدا؟

ءبىلىم بەرۋ ۇيىمدارىن بەينەباقىلاۋ جۇيەلەرىمەن تولىق جابدىقتاۋ ماسەلەسىن كو­تەرۋ ءۇشىن دە شەنەۋنىكتەر قايعىلى وقي­عانىڭ بولۋىن كۇتكەندەي. 12 جاسار قىز زور­لانعاننان كەيىن ابدىراپ قالعان اتقا­مى­نەرلەر قايتا-قايتا جينالىس وتكىزىپ، با­لالار قاۋىپسىزدىگىن قامتاماسىز ەتۋدىڭ جو­لىن ىزدەۋگە ەندى كىرىستى.

ىشكى ىستەر مينيسترلىگى مەن ءبىلىم جانە عىلىم مينيسترلىگى بىرلەسە وتكىزگەن جينالىستا بارلىق مەكتەپكە دەيىنگى جانە ور­تا ءبىلىم بەرۋ مەكەمەلەرىنىڭ بەينەبا­قى­لاۋ جۇيەسىن ىشكى ىستەر ورگاندارىنىڭ جەدەل باسقارۋ ورتالىعىنا قوسۋ ماسەلەسى كوتەرىلدى. سونىمەن قاتار مەكتەپتەردىڭ اۋ­ماعىن قورشاۋ جۇمىستارى دا قولعا الىن­باق. مينيستر ايماعامبەتوۆ بۇل پروب­­لەمانى ۇزاق جىلداردان بەرى شەشە ال­ماي كەلە جاتقاندارىن مويىندادى.

«بۇل ماسەلە ايتىلعانىنا ءبىراز ۋاقىت بول­دى. سىلتاۋ كوپ. قاراجات جەتپەيدى دەي­مىز، تاعى بىردەڭە جەتپەيدى دەيمىز، ءاي­تەۋىر ماسەلە وسى ۋاقىتقا دەيىن شەشىمىن تاپ­قان جوق. بەينەقوندىرعىلار تۋرالى قان­شا بولدى ايتىپ كەلە جاتقانىمىزعا. كەي­بىر جەردە كامەرالار بار. بىراق ونى دۇرىس جەرگە شىعارماعان. ونى كەيبىرەۋلەر ءوزىنىڭ كابينەتىنە قويىپ قويعان كو­رىنەدى»، – دەپ  ءبىلىم جانە عىلىم مي­نيسترى ءوز قاراما­عىن­داعىلاردىڭ جۇگەن­سىز­دىگىن اشىپ ايتتى.

الگى ازعىن اۋلاسىنا ەمىن-ەركىن كىرگەن №6 مەكتەپتە بەينەباقىلاۋ كامەرالارى بار. ءبىر ەمەس، جيىرماسى ورناتىلعان. زور­لاۋشى بارلىق كامەرالارعا تۇسكەن: بەينە­جاز­بادان بىلعارى كۇرتە كيگەن ادامنىڭ ويىن الاڭىن تورۋىلداپ جۇرگەنى كورىنەدى. الايدا مەكتەپ اكىمشىلىگى دە، ءبىلىم وشاعىنداعى قاۋىپسىزدىكتى قاداعالاۋشى ينسپەكتور دا كامەراعا ۇڭىلمەگەن. ەگەر ەشكىم باقىلامايتىن بولسا، بەينەباقىلاۋ قون­دىرعىلارىن ورناتۋدىڭ قاجەتى قان­شا؟ كامەرالاردىڭ سانىن ەمەس، اۋەلى قاۋىپ­سىزدىككە جاۋاپتىلاردىڭ جاۋاپكەرشىلىگىن ارتتىرۋدى ويلاۋ كەرەك سياقتى. ايتپەسە، ءتىلسىز تەمىردى توپىرلاتىپ ءىلىپ قويعاننان ەشتەڭە وزگەرمەيدى.

وسى ورايدا، الماتىداعى ءموبيلدى پو­ليتسيا بەكەتتەرى ەرىكسىز ەسكە تۇسەدى. جۋىر­دا قالا اكىمى باقىتجان ساعىنتاەۆ ولاردىڭ جۇمىسىن تەكسەرۋگە شىقتى. اكىم بار­عان التى بەكەتتىڭ بىرەۋىندە عانا پوليتسيا قىزمەتكەرى بولعان. قالعاندارى بوس: پوليتسياسى جوق ءموبيلدى پوليتسيا بەكەتتەرى. كەزەكتى كوزبوياۋشىلىق. سوندا كىمدى الدايمىز؟

 

3-سۇراق: مەملەكەت ازعىنداردى قاشانعى اسىرايدى؟

 قازاقستاندا 4 پەن 13 جاس ارالىعىن­دا­عى بالالارعا ءزابىر كورسەتكەن 126 پەدوفيل سوتتالىپ، جازاسىن وتەگەن سوڭ بوس­تان­دىققا شىققان ەكەن. قۇقىقتىق ستا­تيس­تيكا جانە ارنايى ەسەپ جونىندەگى كوميتەتتىڭ پورتالىندا ولاردىڭ ەلەكتروندى كارتاسى جاساقتالعان. وندا پەدو­فيلدەردىڭ اتى-ءجونى، ءتۇرى (فوتوسى), قاي وڭىردە تۇراتىنىن ءبارىن كورۋگە بولادى. تاڭعالارلىعى، پەدوفيلدەردىڭ كوبى مەرزىمىنەن بۇرىن بوساتىلعان. قورقىنىش­تى­سى، تۇرمەدەن شىققاننان كەيىن ولاردىڭ تاعى دا بالا زورلامايتىنىنا كەپىلدىك جوق. تارازداعى ورىمدەي قىزدى زورلاعان قانىپەزەر مۇنداي ازعىندىقتى وسىدان 19 جىل بۇرىن دا جاساعانىن جوعارىدا ايت­تىق. دەمەك، پەدوفيلدەرگە ءولىم جازاسىن سۇراعان اتا-انالاردىڭ جانايقايىن جەكە باستىڭ قاسىرەتىنەن تۋعان زار ەمەس، ءار­­بىرىمىزدىڭ ۇيىمىزدە ءوسىپ كەلە جاتقان بالا اتاۋلىنىڭ قامسىز بۇگىنى، باياندى بو­لاشاعى ءۇشىن شىڭعىرىپ شىققان شىندىق دەپ ۇققان ءجون بولار.

قازاقستاندا ءولىم جازاسىنا موراتوري جاريالانعانى بەلگىلى. قوعامنىڭ نارا­زىلىعىنان كەيىن وتكەن جىلدىڭ 1 قاڭ­تارىنان باستاپ پەدوفيلدەردى حي­ميا­لىق جولمەن كاستراتسيالاۋ قولعا الىندى. بيىل بالا زورلاعانى دالەلدەنگەن 88 قىلمىس­كەرگە، كەلەسى جىلى 71 زورلاۋشىعا حيميا­لىق كاستراتسيا جاسالادى. بيىل بۇل ماق­ساتقا 11 ملن تەڭگە بولىنگەن. ال وتكەن جى­­لى ازعىندارعا ءدارى ەگۋ ءۇشىن مەملەكەت قازىناسىنان 9 ملن تەڭگەدەن اسا قارجى ءبولىنىپتى. مامانداردىڭ ايتۋىنشا، سوتتالۋشى پەدوفيلگە جىل بويى 26 ۋكول سالىنادى ەكەن. ال ءبىر پرەپاراتتىڭ با­عاسى – شامامەن 4 000 تەڭگە. دەمەك، ۇل-قىزى­مىزدىڭ بولاشاعىنا بالتا شاپقان ءبىر ادامعا جىلىنا 127 مىڭ تەڭگە شىعىن­دا­لادى. ودان بولەك، ولاردى كۇندەلىكتى اسىراۋ شىعىنى بار. ءىىم قىلمىستىق ات­قارۋ كوميتەتى تاراتقان مالىمەتكە سۇيەن­سەك، سوتتالعان جانە تەرگەۋگە بايلانىستى قا­مالعان ادامدى اسىراۋ ءۇشىن ءتاۋ­لىگىنە – 2,4 مىڭ تەڭگە، جىلىنا 876,9 مىڭ تەڭگە جۇم­سالادى ەكەن. وسى ورايدا، پەدوفيلدەردى ءومىر بويى اۋىر جۇمىسقا تارتۋ تەتىكتەرىن زاڭمەن بەكىتۋ كەرەك سە­كىلدى.

زاڭ دەمەكشى، تارازداعى وقيعا حالىق قالاۋلىلارىن دا ۇيقىدان وياتقانداي. وتكەن اپتادا ءماجىلىس دەپۋتاتتارى «قا­زاقستان رەسپۋبليكاسىنىڭ كەيبىر زاڭ­نا­مالىق اكتىلەرىنە قىلمىستىق جانە قىل­مىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تو­لىقتىرۋلار ەنگىزۋ تۋرالى» زاڭ جوباسىن تالقىلادى. قۇجاتتىڭ 2-بولىگى جى­نىستىق قاتىناستاعى قىلمىستارعا قا­تىس­تى. زورلاۋ مەن سەكسۋالدى سيپاتتاعى زور­لىق-زومبىلىق ارەكەتتەر ءۇشىن جازا قا­تاي­ماق. «اتاپ ايتساق، زورلاۋ، ياعني ءجابىر­لەنۋ­شىگە نەمەسە باسقا ادامدارعا كۇش قولدانىپ، ونىڭ دارمەنسىز كۇيىن پايدالانىپ، جى­نىستىق قاتىناس جاساۋ اۋىرلىعى ورتاشا قىلمىستان اۋىر قىلمىس ساناتىنا كوشەدى. بۇل جەردە دە تاتۋلاسۋ بولمايدى. ال بالا­لارعا قارسى جاسالعان وسىنداي قىلمىستار ءۇشىن جازا تىپتەن قاتال بولماق. بۇل اسا اۋىر قىلمىستار ساناتىنا جاتادى. 14 جاس­قا تولماعان بالالارعا قارسى جىنىس­تىق سيپاتتاعى قىلمىستار ءۇشىن تەك قانا 20 جىل باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جا­زاسى ۇسىنىلىپ وتىر»، – دەيدى باس پرو­كۋرورىنىڭ ورىنباسارى مارات احمەتجانوۆ.

 

پەريزات سىزدىقوۆا،  ۇستاز، ءۇش بالانىڭ اناسى:

قازىر بالانى «پەدوفيل ۇستاپ الادى»  دەپ قورقىتاتىن بولدىق

– ءاربىر اتا-انا ءۇشىن ماپەلەپ ءوسىرىپ وتىرعان ۇل-قىزىنىڭ اماندىعىنان قىمبات بايلىق جوق. جوعارى سىنىپتا وقىسا دا بالالارىم مەكتەپتەن كەلگەنشە جولدارىنا قاراپ، الاڭداپ وتىرامىن. قالا تۇگىلى اياداي اۋىلدىڭ ءوزى قورقىنىشتى. نەشە ءتۇرلى سۇمدىقتى ەستىگەننەن كەيىن بالالار ءسال كەشىكسە بەرەكەم كەتەدى. اقپارات قۇرالدارى زورلىق تۋرالى ءجيى ايتقان سايىن ەلىمىزدە سونداي قىلمىستار كوبەيىپ بارا جاتقانداي. الايدا ايتپاسا، ەسكەرتپەسە، تاعى بولمايدى. بۇرىن پەدوفيلدىڭ كىم ەكەنىن بىلمەيتىن ەدىك. قازىر ەڭبەكتەگەن سابيگە دەيىن بىلەدى. بۇرىن جۇرت كىشكەنتاي بالاسىن «باباي كەلەدى، بوجەي كەلەدى» دەپ قورقىتسا، قازىر «پەدوفيل ۇستاپ الادى» دەپ قورقىتاتىن بولعان. قايتسىن، زاماننىڭ شىندىعى. مەنىڭشە، ءولىم جازاسى قولدانىلعاندا عانا پەدوفيلدەردەن كەلەتىن قاۋىپ سەيىلەدى. ايتپەسە، ازعىندار ون جىل وتسە دە، جيىرما جىل وتسە دە ەسكى ادەتىنە قايتا باسۋى مۇمكىن.

 

اننا قۇدياروۆا،  پسيحولوگ، ورتا ازيا پسيحواناليز ينستيتۋتىنىڭ

ديرەكتورى:

پەدوفيليا – پسيحيكالىق دەرت

– پەدوفيليا دەگەنىمىز – پسيحيكالىق اۋىتقۋشىلىق، اۋرۋ. ال ءاربىر اۋرۋدىڭ ەمى بار. مۇنى مانياك دەۋگە بولمايدى. جىنىستىق مانياك دەگەن مۇلدەم باسقا اۋرۋ. مانياك ۇل ما، قىز با، كارى مە، جاس پا تالعامايدى. ال پەدوفيلدىڭ ايىرماشىلىعى – ولار جاس بالاعا قۇمار. ءتۇبىن قازبالاپ ىزدەيتىن بولساق، ول ەموتسيالىق تاۋەلدىلىك. ەموتسيالىق تاۋەلدىلىكتى پسيحولوگتار سوزبەن ەمدەيدى. سوندىقتان باس سالىپ جازالاۋدى ەمەس، ەمدەۋدى دە ويلاعان ءجون. بىراق ەلىمىزدە پسيحولوگتاردىڭ سانى جەتپەيدى، ساپاسى تاعى ءبىر ماسەلە. سوڭعى جىلدارى ەلىمىزدە بالالارعا قارسى جىنىستىق زورلىق-زومبىلىق جاساۋ ارەكەتى تىپتەن كوبەيىپ كەتكەن. سوندىقتان پەدوفيلدەرگە قاتاڭ جازا قولدانۋدى ءومىردىڭ ءوزى تالاپ ەتۋدە. بىراق ماسەلەنىڭ سالدارىمەن دە كۇرەسىپ كورۋىمىز كەرەك. نەگىزى ماسەلە ءبىز ويلاعاننان دا كۇردەلى. ارسىزدىقتىڭ قۇربانى بولعان كىشكەنتاي جانداردىڭ ءوز-وزدەرىن قۇربان قىلماسىنا كىم كەپىل؟ ارسىز­دان كەك الامىن دەپ ءبۇلدىرشىننىڭ اتا-اناسى قىلمىسقا بارۋى دا مۇمكىن. ءتىپتى، بۇل پسيحولوگيالىق تۇرعىدان بالا ساناسىنا جازىلماس داق تۇسىرەدى. قارانيەتتىلەردى بۇگىن قۇرىقتاپ تۇرمەگە قاماعانىمەن، ەرتەڭ الشاڭ باسىپ قايتا شىعادى. «اۋرۋ قالسا دا ادەت قالمايدى» دەگەن تاعى بار. سوندىقتان پەدوفيليزمدى جويۋمەن كەشەندى تۇردە اينالىسۋىمىز كەرەك.

 

P.S:

پەدوفيلدەرمەن كۇرەس وزگە مەملەكەتتەردە قالاي جۇرگىزىلىپ جاتقانىن ءبىلۋ ءۇشىن شەتەلدىك تاجىريبەگە ۇڭىلدىك. پولشا مەن چەحيادا پەدوفيلدەر تۇرمەدە جازاسىن وتەگەننەن كەيىن مىندەتتى تۇردە كاستراتسيالىق جولمەن ەمدەلەدى. چەحيالىق مامانداردىڭ ايتۋىنشا، كاستراتسيا جاسالعان 100-گە جۋىق قىلمىسكەر 10 جىلدا بiردە-بiر رەت قىلمىستى قايتالاماپتى. وڭتۇستىك كورەيادا مۇنداي قىلمىس جاساعانداردى مەرزىمىنەن بۇرىن بوساتۋعا تىيىم سالىنعان. ال 13 جاسقا دەيىنگى بالانى زورلاپ، ولتىرگەن قىلمىسكەرلەر بۇل ەلدە ءولىم جازاسىنا كەسىلەدى. ساۋد ارابياسى، قىتاي، يران، يراك، يندونەزيا، وڭتۇستىك كورەيا، لاتىن امەريكاسى مەن افريكانىڭ كوپتەگەن ەلدەرىندە پەدوفيليا ءۇشىن بىردەن ءولىم جازاسىنا كەسەدى. شەتەلدىك تاجىريبەنى زەردەلەي وتىرىپ ۇققانىمىز، پەدوفيلدەردى جازالاۋ كەيiنگiگە ساباق بولاتىنداي دارەجەدە جۇرگىزىلۋى ءتيىس. سوندا عانا ورىمدەي بۇلدىرشىندەردىڭ ءومىرىن وكسىتىپ جۇرگەن وزبىرلار اياعىن تارتۋى مۇمكiن.

سوڭعى جاڭالىقتار