4 جەلتوقسان, 15:55 405 0 جاڭالىقتار اسىل تۇمار

كولىك جۇرگىزۋشىلەردىڭ نازارىنا: ايىپپۇل – 37 875 تەڭگە

نۇر-سۇلتان قالاسىنىڭ پوليتسيا دەپارتامەنتى 3-5 جەلتوقسان ارالىعىندا جارىق اسپاپتارىن (فارى) پايدالانۋ تالاپتارىن بۇزعان اۆتوكولىكتەر فاكتىسىن بولدىرماۋ بويىنشا رەيد جۇرگىزەدى.

– كەدەن وداعىنىڭ "دوڭعالاقتى كولىك قۇرالدارىنىڭ قاۋىپسىزدىگى تۋرالى" 018/2011 تەحنيكالىق رەگلامەنتىنە سايكەس، اۆتوكولىككە ءوندىرۋشى زاۋىتتىڭ قويىپ بەرگەن تۇپنۇسقاداعى جارىق اسپابىنىڭ ساناتىنا سايكەس كەلمەيتىن اۋىستىرمالى جارىق كوزدەرىن، اتاپ ايتقاندا، LED جانە كسەنون جارىقتارىن ورناتۋعا جول بەرىلمەيدى. بۇدان وزگە، اۆتوكولىكتىڭ ۇستىنە، كاپوتىنا، ياكي جۇكسالعىشىنا جارىقتاندىرۋدىڭ قوسىمشا قۇرالدارىن ورناتۋعا قاتاڭ تىيىم سالىنادى", – دەپ حابارلايدى ەلوردا پوليتسياسى.

بۇل تالاپتاردى بۇزعان كولىك جۇرگىزۋشىسى اكىمشىلىك قۇقىق بۇزۋشىلىق تۋرالى كودەكستىڭ 5 ءبولىمى 590 بابى (ايىپپۇل كولەمى – 12 625 تەڭگە) جانە 7 ءبولىمى 590 بابى (ايىپپۇل كولەمى – 37 875 تەڭگە) بويىنشا جاۋاپقا تارتىلادى.

كەشە نۇر-سۇلتانداعى 62 جۇرگىزۋشى وسى تالاپتى بۇزعانى ءۇشىن جاۋاپ تارتىلسا، جىل باسىنان بەرى كودەكستىڭ 590 بابى بويىنشا 3 مىڭنان استام فاكتى تىركەلگەن.

سوڭعى جاڭالىقتار