4 جەلتوقسان, 10:24 319 0 مادەنيەت انار لەپەسوۆا

الماتىدا «باستاۋ» كينوفەستيۆالى باستالدى

الماتىدا ءVىىى حالىقارالىق «باستاۋ» ستۋدەنتتىك جانە دەبيۋتتىك  فيلمدەر فەستيۆالىنىڭ اشىلۋىنا وراي ءباسپاسوز ءماسليحاتى ءوتتى.

جيىنعا «باستاۋ»   حكف پرەزيدەنتى سەرگەي ءازىموۆ،  Bastau Debuts كونكۋرسىنىڭ قازىلار توراعاسى، كينورەجيسسەر، ستسەناريست، پروديۋسەر - ميحايل سەگال (رەسەي), تەاتر جانە كينو اكتريساسى - نەللي ۋۆاروۆا (رەسەي), كينوساراپشى، «ءلىستاپاد» حالىقارالىق مينسك كينوفەستيۆالىنىڭ باعدارلامالىق ديرەكتورى يگور سۋكمانوۆ، «باستاۋ» فەستيۆالىنىڭ ارت-ديرەكتورى ديانا ءاشىموۆا، رەجيسسەر ءشاريپا ورازباەۆا (قازاقستان), رەجيسسەر، ستۋدەنتتىك قازىلار القاسىنىڭ توراعاسى الىشەر جادىگەروۆتەر (قازاقستان) قاتىستى.

-وسىمەن سەگىزىنشى مارتە ءوتىپ جاتقان فەستيۆالىمىز وتپەلى كەزەڭدە ۇيىمداستىرىلىپ جاتىر. مۇنداي كەزدە ءبىزدىڭ فەستيۆالداي اۋقىمدى شارانى وتكىزۋ-وڭاي ەمەس. دەگەنمەن الماتى قالاسىنىڭ اكىمى باقىتجان ساعىنتاەۆتىڭ تىكەلەي قولداۋ بىلدىرۋىمەن بۇل ماسەلە وڭ شەشىمىن تاپتى.سونداي-اق بىزگە ش.ايمانوۆ اتىنداعى «قازاقفيلم» كينوستۋدياسى مەن ت.ق.جۇرگەنوۆ اتىنداعى قازۇوا باسشىلىعى ۇلكەن قولداۋ كورسەتتى.   بۇل قادام فەستيۆالىمىزدىڭ ەلىمىزدىڭ مادەني ومىرىندە تۇراقتى تۇردە ءوتىپ تۇرۋى ءتيىس ماڭىزدى شارا ەكەندىگىن ايعاقتايدى. ءبىزدىڭ فەستيۆال- جاس كينوگەرلەردىڭ شەبەرلىكتەرىن شىڭداۋعا، العا قويعان ماقساتتارىن جۇزەگە اسىرۋعا جولداما بەرەتىن الاڭ، وزدەرىندەي جاستارمەن تانىسىپ، بايلانىس ورناتاتىن، كينو مايتالماندارىنان ۇيرەنەتىن شىعارماشىلىق كەڭىستىك, - دەدى «باستاۋ» حكف ديرەكتورى سەرگەي ءازىموۆ.

- بيىلعى باعدارلاما ستۋدەنتتەگەر عانا ەمەس، سونداي اق كورەرمەنگە دە قىزىقتى بولادى دەپ ويلايمىن. ءبىر ايتا كەتەرلىگى، ءبىز بيىل العاش رەت بايقاۋ باعدارلاماسىنا دەرەكتى كينونى قوستىق. شەتەلدىك قوناقتاردىڭ باعدارلاماسى دا قىزىق بولاتىنى ءسوزسىز. «باستاۋدىڭ» باستى مىندەتى – ءبىلىم بەرۋ بولعاندىقتان، ءبىز شەبەرلىك دارىستەردىڭ باعدارلاماسىن دا جاقسىلاپ ويلاستىردىق.  كارتينالاردى حالىقارالىق دەڭگەيدە تانىتۋ، ولاردى حالىقارالىق فەستيۆالدارعا ۇسىنۋ، ساتىپ الۋلارعا قاتىستى ارنايى باعدارلاما بولادى, - دەدى فەستيۆالدىڭ ارت-ديرەكتورى ديانا ءاشىموۆا.

كەشكە «الاتاۋ» ءداستۇرلى ونەر تەاترىندا «باستاۋ» كينوفەستيۆالىنىڭ سالتاناتتى اشىلۋ ءراسىمى ءوتتى.

كەش باسىندا «باستاۋ» كينوفەستيۆالىنىڭ پرەزيدەنتى سەرگەي ءازىموۆ جانە قازۇوا پرورەكتورى ساكەن مايعازيەۆ كەلگەن قوناقتارعا العىستارىن ايتىپ، قاتىسۋشىلارعا ساتتىلىك تىلەدى.

مادەني ءىس-شارا بارىسىندا گرۋزيانىڭ بەلگىلى رەجيسسەرى يراكلي كۆيريكادزە قازاق كينوسىنىڭ دامۋىنا قوسقان ۇلەسى ءۇشىن جۇلدەسىمەن ماراپاتتالدى. بۇل قۇرمەتتى سىيلىقتى فەستيۆال پرەزيدەنتى سەرگەي ءازىموۆ تابىستاپ، گرۋزيالىق ارىپتەسىمەن بىرگە 8-ءشى حالىقارالىق «باستاۋ» كينوفەستيۆالىن اشىق دەپ جاريالادى.

سالتاناتتىڭ رەسمي باعدارلاماسىنان كەيىن كورەرمەندەرگە الەمنىڭ كوپتەگەن فەستيۆالدەرىندە كورسەتىلىپ ۇلگەرگەن قازاقستاندىق رەجيسسەر شاريپا ورازباەۆا تۇسىرگەن «ءماريام» ءفيلمى ۇسىنىلدى. كورسەتىلىمنىڭ الدىندا ءفيلمدى تانىستىرۋعا شىققان رەجيسسەر كارتينانىڭ ءتۇسىرىلۋ بارىسى تۋرالى ءسوز ايتىپ، شىعارماشىلىق ۇجىمعا العىسىن ءبىلدىردى.

ەستەرىڭىزگە سالا كەتەيىك، بيىل فەستيۆال فورماتىنا وزگەرىستەر ەندى. بايقاۋعا العاش رەت تولىقمەتراجدى دەبيۋتتىك فيلمدەر ەنىپ وتىر (بارلىعى 10 تۋىندى). ال قىسقامەتراجدى فيلمدەر بايقاۋىنا بيىل 44 ەلدەن 360 ءوتىنىم كەلىپ تۇسكەن. فەستيۆالدىڭ ىرىكتەۋ كوميسسياسى كونكۋرسقا 43 تۋىندىنى تاڭداپ العان. ايتا كەتسەك، فەستيۆال بارىسىندا قازۇوا ستۋدەنتتەرگە ارنالعان شەبەرلىك دارىستەر مەن فەستيۆال قوناقتارىنىڭ قاتىسۋىمەن شىعارماشىلىق كەزدەسۋلەر وتەدى.

فيلمدەر Bekmambetov Cinema (اباي داڭعىلى، 109 ۆ،Globus سوو، ء2—شى قابات) كينوتەاترىندا كورسەتىلەدى.

ستۋدەنتتىك جانە دەبيۋتتىك «باستاۋ» حالىقارالىق فەستيۆالىنىڭ ۇيىمداستىرۋشىلارى: «باستاۋ» حكف باس ديرەكتسياسى، «كينوكومپانيا Tanaris Production» جشس، الماتى قالاسى اكىمدىگىنىڭ قولداۋىمەن «A Team» كومپانياسى، ت.جۇرگەنوۆ اتىنداعى قازاق ۇلتتىق ونەر اكادەمياسى، تۇران ۋنيۆەرسيتەتى، ش.ايمانوۆ اتىنداعى «قازاقفيلم» اق.

 

سوڭعى جاڭالىقتار