4 جەلتوقسان, 08:25 361 0 جاھان انار لەپەسوۆا

مەڭىن الدىرعان بويجەتكەن مي ىسىگىنە شالدىقتى

مەڭىن الدىرىپ تاستاعان امەريكالىق بويجەتكەن ماككەن كارتەردە بەس مي ىسىگى پايدا بولعان. بۇل تۋرالى Vesti.ru حابارلادى.

2017 جىلى امەريكالىق قىزدا مەلانومانىڭ ءبىرىنشى دەڭگەيى انىقتالعان. ناتيجەسىندە دارىگەرلەر ونىڭ ارقاسىنداعى قالدى الدىرىپ تاستاۋعا شەشىم قابىلداعان. دارىگەرلەر دە، قالىن الدىرعان قىز دا قاتەرلى ىسىكتىڭ كوزى جويىلعانىنا سەنىمدى بولعان. ءبىر جىلدان كەيىن ماككەن كارتەر تۇماۋ بەلگىلەرى مەن باسىنىڭ ءجيى اۋىراتىنىن بايقاعان.

دارىگەرلەر كومپيۋتەرلىك توموگرافيا بويىنشا بەس مي ىسىگىن جانە قاتەرلى ىسىكتىڭ باۋىرىنا، وكپەسىنە جانە سۇيەكتەرىنە اۋىپ كەتكەنىن انىقتاعان. 20 جاستاعى امەريكالىق قىز بىردەن حيميوتەراپيا كۋرسىن باستاعانىمەن ەم-دوم شاراسى كومەكتەسە الماعان. ىسىكتىڭ ءبىرى قانسىراپ، ونى الىپ تاستاۋعا تۋرا كەلگەن. جارتى جىلعى ەم ناتيجەسىز بولعان. ءسويتىپ كارتەر ولىمگە دايىندالا باستاعان. ناۋقاستىڭ سوزىنشە، سول ساتتە ول قايتىس بولاتىنىن سەزگەن.

سوڭعى جاڭالىقتار