4 جەلتوقسان, 08:08 345 0 رۋحانيات انار لەپەسوۆا

جاڭا ەملە ەرەجەلەرى بويىنشا 380 وقىتۋشى دايىندىقتان ءوتتى

 ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى «جاڭا ءالىپبي: باق مۇمكىندىگى مەن ماسەلەلەرى» تاقىرىبىندا سەمينار وتكىزدى.

– مۇنداعى ماقسات – مەم­لەكەت باسشىسى قاسىم-جومارت توقاەۆتىڭ حالىققا جولداۋىندا ايتىلعان قازاق ءتىلى ۇلتارالىق قاتىناس ءتىلى رەتىندە قالىپتاسۋ باعىتىندا جاسالۋعا ءتيىس جۇ­مىس­تىڭ ءبىر سالاسى – قازاق ءالىپ­بيىن لاتىن گرافيكاسىنا كوشى­رۋ بارىسىندا، بۇقارالىق اقپا­رات قۇرالدارىنا جاڭا ەملە ەرە­جەسىن ءتۇسىندىرۋ جانە ءالىپبي اۋىس­تىرۋداعى باق قىزمەتىن ايقىنداۋ ەدى، – دەدى ورتالىق باسشىسى الىبەك اسقار مىرزا.

ودان كەيىن سەمينارعا قاتى­سۋ­شىلاردى قازىرگى تاڭدا اتقا­رىلىپ جاتقان جۇمىستار جايلى حاباردار ەتكەن ءتىل ساياساتى كوميتەتى توراعاسىنىڭ ورىنباسارى اينۇر مىرزابەكوۆا، «قازاق ءتىلى ەملەسىنىڭ نەگىزگى ەرەجەلەرى» جوباسى ماقۇلدانعان كۇننەن باس­تاپ ەلىمىز كولەمىندە 380 ترە­نەر-وقىتۋشى دايىندىق كۋرسىنان وتكەنىن، سونىمەن قاتار وڭىرلەردە ۇيىمداستىرىلعان دارىستەرگە 1117 ادام قاتىسىپ، ءىستى وڭتايلاندىرۋ ءۇشىن جاڭادان Qazlatyn.kz ۇلتتىق پورتالى قۇرىلعانىن، ۇيرەنۋشىلەرگە ار­نال­عان ەلەكتروندى وقۋ قۇرال­دارى، بەينەروليكتەر ازىرلەنگەنى جايلى مالىمدەدى.

مينيسترلىك وكى­لىنىڭ ايتۋىنشا، پرەزيدەنت ءالىپبيدى جەتىلدىرۋگە قاتىستى پىكىر ءبىل­دىر­گەن كۇننەن باس­تاپ، جەكە ادام­دار، ءتىل ءبىلىمى عا­لىمدارى مەن ءارتۇرلى ساراپشىلاردان ۇسىنىستار ۇزدىكسىز كەلىپ جاتىر ەكەن. «ولاردى جيناقتاپ ۇلت­تىق كوميسسيا جانىنداعى ورفو­گرافيالىق جۇمىس توبىنىڭ تال­قىلاۋىنا ۇسىنىپ جاتىرمىز» دەدى اينۇر ايىپقىزى.

سونىمەن بۇل رەتكى سەمينار كەڭەستىڭ العاشقى بايانداماسىن جاساعان ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىقتىڭ عالىم-حاتشىسى انار فازىلجانوۆا، جيىنعا قاتىسۋشى ءباسپاسوز وكىلدەرىنە بۇقارالىق اقپارات قۇرالدارىندا كىرمە سوزدەرى نەمەسە شەت تىلدەردەن ەنگەن تەر­مين­دەردى لاتىن-قازاق ءالىپبيى بويىن­شا جازۋدىڭ ۇلگى-ونەگەسىن ءتۇسىندىردى.

سونداي-اق «لاتىن ءالىپبيىن مەڭگەرۋدەگى ءىت جوبالارى» ات­تى تاقىرىپتا كەڭ تىنىستى تا­نىس­تىرىلىم جاساعان ورتا­لىق­تىڭ قوعاممەن بايلانىس باس­قارماسىنىڭ باسشىسى ءمولدىر باقىتقىزى، Qazlatyn.kz ۇلتتىق پورتالى نەگىزىندە جاسالىپ جات­قان ادىستەمەلىك جوبالاردى ءتۇسىن­دىردى. مۇندا ءتىلدىڭ ورفوەپيا­سى، گراماتولوگياسى قاتارلى زاڭ­دىلىقتاردى ساقتاۋدىڭ ءادىس-ءتاسىل­دەرى، سونىمەن قاتار ءتىل­دى كومپيۋتەرلەندىرۋ جانە ەلەكتروندى اۋدارۋ ماسەلەلەرى كوپشى­لىككە ءتۇسىندىرىلدى.

سوڭعى جاڭالىقتار