3 جەلتوقسان, 20:42 374 0 زاڭ انار لەپەسوۆا

تۇرمەدەن بوساتىلعان «الماتىمەتروقۇرىلىس» باسشىسى پرەزيدەنتتەن كومەك سۇرادى

«الماتىمەتروقۇرىلىس» اق باسقارما توراعاسى قايرات رەيموۆ وزىنە تاعىلعان ايىپ «جالعان» دەپ مالىمدەدى.

الماتىدا ءباسپاسوز ءماسليحاتىن وتكىزگەن كاسىپكەر قارجىلىق الاياقتىق فاكتىسىنىڭ ەشقانداي قيسىنعا سىيمايتىنىن ايتىپ، پرەزيدەنتتەن كومەك سۇرادى. ول زاڭسىزدىقتىڭ توقتاتىلۋىن، شەشىمنىڭ ءادىل بولۋىن سۇراپ، پرەزيدەنتكە ۇندەۋ جاسادى، دەپ حابارلايدى "استانا" ارناسى.

"وسى بولىپ جاتقان زاڭسىزدىقتى توقتاتسا. ىشكى ىستەر ءمينيسترى تۇرعىمباەۆ مىرزا وبەكتيۆتى تۇردە وسى ءىستى قاراپ تاپسىرما بەرسە، تاعى دا باسقا ورگاندارعا پروكۋرۋتۋراعا تەز ارادا زاڭدى جاۋاپتارىن بەرىپ، ءىستى زاڭ جاعىنان جۇرگىزسە. ناقتىسى، ازاماتتىق ءىس بولعان سوڭ، ەكى بيزنەسمەننىڭ اراسىنداعى داۋ بولعان سوڭ ءىستى ازاماتتىق سوتقا جىبەرىپ، بۇل ءىستى توقتاتۋدى سۇرايمىن", - دەپ ق.رەيموۆ مەملەكەت باسشىسىنا جۇگىندى.

ەسكە سالا كەتەيىك، قايرات رەيموۆ قارجىلىق الاياقتىق جاسادى دەگەن ايىپپەن 27 قاراشا كۇنى ۇستالىپ، تەرگەۋ يزولياتورىنا جابىلعان. بۇگىن كاسىپكەردىڭ مۇلكى كەپىلگە قويىلىپ، تەرگەۋ يزولياتورىنان بوساتىلدى.

داۋ 2014 جىلعى كەلىسىمشارتتان تۋعان. قايرات رەيموۆ تانىمال كاسىپكەر دىنمۇحاممەد يدريسوۆتان 1,5 ملرد تەڭگە قارىز العان. كەپىل رەتىندە "الماتىمەتروقۇرىلىس" كومپانياسىنىڭ 39 پايىز اكتسياسىن سالادى. بىراق رەيموۆ قارجىلىق قيىندىقتارعا بايلانىستى قاراجاتتى قايتارا الماي، بورىشىن وتەۋ ءۇشىن جىلجىمايتىن مۇلىكتەرىن ۇسىنعانىن ايتتى. بىراق ول كاسىپكەر "الماتىمەتروقۇرىلىستىڭ" 80 پايىز اكتسياسىن تالاپ ەتىپ وتىرعانىن مالىمدەگەن ەدى. ءتىپتى قۇقىققوراۋ ورگاندارىنان قىسىم كورگەنىن دە حابارلادى.

 

سوڭعى جاڭالىقتار