3 جەلتوقسان, 18:52 393 0 الەۋمەت انار لەپەسوۆا

ەلىمىزدە 800 مىڭنان استام جىلجىمايتىن مۇلىك قايتىس بولعاندار مەن كوشىپ كەتكەندەردىڭ مەنشىگىندە

قازاقستاندا 800 مىڭنان استام جىلجىمايتىن مۇلىك قايتىس بولعان جانە كوشىپ كەتكەن ازاماتتاردىڭ اتىندا جازۋلى تۇر. بۇل تۋرالى پرەمەر-ءمينيستردىڭ ءبىرىنشى ورىنباسارى، قارجى ءمينيسترى ءاليحان سمايلوۆ مالىمدەدى. 

ەندى قر يندۋستريا جانە ينفراقۇرىلىم مينيسترلىگى جەرگىلىكتى اتقارۋشى ورگانمەن بىرىگىپ، نىسانداردى يەسىز دەپ تانۋ ماسەلەسىن شەشۋى كەرەك دەدى. ونىڭ سوزىنشە ۆەدومستۆا سالىق جانە كەدەندىك پروتسەسستى اكىمشىلەندىرۋدى ءتيىمدى جۇرگىزۋ ءۇشىن كەشەندى شارانى قولعا العان.

جىل باسىنان بەرى تەحنيكالىق توپ 25 ميلليوننان استام مالىمەتتى وڭدەپ، 4 ميلليونعا جۋىق قاتە اقپاراتتى جويدى. كوپ جاعدايدا جەر ۋچاسكەلەرىنە مەنشىك قۇقىعىنسىز اكتىلەر شىعارۋ دەرەكتەرى بايقالدى. ەندى جەرگىلىكتى اتقارۋشى ورگاندارعا اكتىلەردى تەكسەرۋ قاجەت. جالپى، مۇلىكتى ينسپەكتسيالاۋ جۇيەسىندە 17 ميلليون اقپاراتتىڭ 3 ميلليونعا جۋىعى قالىپقا كەلتىرىلدى.

سوڭعى جاڭالىقتار