3 جەلتوقسان 2019, 15:21 871 0 رۋحانيات انار لەپەسوۆا

«ۇلى دالا ءۇنى»: قاراعاندى وبلىسىندا حالىقارالىق اقىندار ايتىسى ءوتتى

قاراعاندى وبلىسى ساتباەۆ قالاسىندا  قانىش ساتباەۆتىڭ 120 جىلدىعىنا وراي «ۇلى دالا ءۇنى» اتتى حالىقارالىق جاس اقىندار ايتىسى ۇيىمداستىرىلدى.

"رۋحاني جاڭعىرۋ" باعدارلاماسى اياسىندا وتكەن جىر دوداسى ەكى كۇنگە سوزىلدى.  قىتاي، موڭعوليا، قىرعىزستان سياقتى شەت مەملەكەتتەردەن جانە قازاقستاننىڭ تۇپكىر-تۇپكىرىنەن كەلگەن 18 شايىر ونەر جارىستىردى.

بۇل جولى قازاقستاننىڭ ەڭبەك سىڭىرگەن قايراتكەرى ءجۇرسىن ەرمان قازىلار القاسىن باسقارسا، شايىرلار سايىسىن فيلولوگيا عىلىمدارىنىڭ دوكتورى، پروفەسسور، اتاقتى ايتىسكەر اقىن امانجول ءالتاي جۇرگىزدى.

قازىلار القاسىنىڭ شەشىمى بويىنشا وسىمەن بەسىنشى مارتە شىمىلدىق تۇرگەن ايتىستىڭ جەڭىمپازى بولىپ تاراز قالاسىنان كەلگەن تالانتتى اقىن قانات مىرزاحان تانىلدى. توپ جارعان اقىن 1 ميلليون تەڭگەنىڭ اقشالاي سەرتيفيكاتىنا يە بولدى.

ءبىرىنشى جۇلدە مەن 500 مىڭ تەڭگە اقشالاي سىيلىق  شىعىس قازاقستان وبلىسىنىڭ شايىرى جۇلدىزاي ماراتبەككە بۇيىردى. ساتباەۆ قالاسىنىڭ اقىنى ابزال ماقاش جەرلەستەرىن جەرگە قاراپتاي، ەكىنشى جۇلدە مەن 300 تەڭگە سىياقى يەگەرى اتاندى. ال جۇلدەلى 3-ورىندى پاۆلودارلىق نۇرقانات قايرات پەن جاڭاارقا اۋدانىنىڭ اقىنى سىرىم بەيسەنبەك ءوزارا ءبولىسىپ، ارقايسىسى 150 تەڭگە اقشالاي سىيلىقتى يەلەندى.

سوڭعى جاڭالىقتار