3 جەلتوقسان, 11:50 395 0 ايماق انار لەپەسوۆا

الماتىدا ۇيلەرى سۇرىلەتىن 117 تۇرعىنعا وتەماقى بەرىلدى

سەيفۋللين داڭعىلى مەن جانسۇگىروۆ كوشەسىنىڭ قيىلىسىنداعى جول ايرىعى سالىناتىن كەزدە پايدا بولعان تۇيتكىل شەشىمىن تاپتى.

سوت شەشىمى وسىدان 1 جارىم جىل بۇرىن شىعىپ قويسا دا، جەكە سەكتور يەلەرى قاراجاتتارىن الا الماي جۇرگەن. قالا اكىمى باقىتجان ساعىنتاەۆ كۇرمەۋى قيىن ماسەلەنى وسى جىلدىڭ 29 قازانىندا ەل پرەزيدەنتى قاسىم-جومارت توقاەۆپەن كەزدەسۋدە كوتەرىپ، تۇيتكىل شەشىلدى. بۇل تۋرالى   "الماتى" ارناسى حابارلادى.

ولگا كۋزنەتسوۆا وسى اۋداندا تۋعانىنان تۇرىپ كەلەدى. مىنا ءۇيدى اتالارى سوعىس جىلدارىنان كەيىن سالعان ەكەن. سول كەزدەن باستاپ ءتورت ۇرپاق وسى قارا شاڭىراقتان تۇلەپ ۇشقان. ۇيلەرمىزى سۇرەلىتىنىن بىلگەندە ابدىراپ قالدىق، بالالىق شاعىمنىڭ ەستەلىگى بولعاسىن قيمايمىن، - دەيدى ولگا كۋزنەتسوۆا.

«ارينە، قيماستىق سەزىمى بار. بىراق قالانىڭ دامۋى ءۇشىن جاسالىپ جاتقان جۇمىستى قولدايمىز. اۋدان كوز الدىمىزدا دامىدى. جاستىق شاعىمنىڭ بارلىعى وسى جەردە ءوتتى. بۇگىن وتەماقىمىزدى الدىق ايتەۋىر. نەگىزى 1 جارىم جىل بۇرىن كوشىپ كەتۋىمىز كەرەك بولعان. وسى ۋاقىت ارالىعىندا ءۇيىمىزدى ساتا الماي، نە جوندەۋ جۇمىستارىن جۇرگىزە الماي ەكى ويلى بولىپ جۇرگەنبىز. قالا اكىمى باقىتجان ساعىنتاەۆپەن كەزدەسۋدە وسى ماسەلەنى تەز ارادا شەشىپ بەرۋىن وتىندىك»، – دەدى اۋدان تۇرعىنى ولگا كۋزنەتسوۆا.

وسى كۇنى مىنا ماڭايدا سۇرىلەتىن 117 ءۇيدىڭ يەلەرى وتەماقىلارىن الىپ ۇلگەرگەن. ەندى جاڭا باسپانا تاۋىپ كوشۋلەرى كەرەك. قونىس اۋدارعانعا دەيىن ەسكى ۇيلەرىندە ىستىق سۋ مەن جىلۋ وشىرىلمەيدى. ياعني، كوممۋنالدىق قىزمەتتەن قاعىلمايدى. ازاماتتاردىڭ دەنى العان قاراجاتتارىنا ءدان ريزا.

كۇرمەۋى قيىن ماسەلە 2017 جىلدان بەرى شەشىلمەي كەلگەن. قالا اكىمى باقىتجان ساعىنتاەۆ تامىز ايىندا جەتىسۋ اۋدانى تۇرعىندارىمەن كەزدەسۋدە وسى سۇراق كوتىرەلىگەن بولاتىن. مەگاپوليس باسشىسى سۇرىلەتىن ۇيلەردىڭ يەلەرى كوپ ۇزاماي وتەماقىلارىن قولدارىنا الاتىنىن ايتىپ، ۋادە ەتتى. سوزىندە تۇردى. 3 جارىم ميلليارد تەڭگە رەسپۋبليكالىق بيۋدجەتتەن ءبولىندى.

«بۇگىن سۇرىلەتىن ءۇي يەلەرىمەن كەزدەستىك. ازاماتتارمەن كوشۋ ماسەلەسىن تالقىلادىق. جەلتوقسان ايىندا مەيرامدار كوپ بولعاندىقتان، سونىمەن قاتار اۋا-رايىنىڭ سۋىقتىعىنا بايلانىستى ءبىز تۇرعىندارعا جاڭا جىلدان كەيىن كوشۋگە كەلىستىك. ول ۋاقىتقا دەيىن ولار جاڭا باسپانا تابۋى كەرەك. باس قوسۋ كەزىندە باسقا دا سۇراقتار قارالدى. جالپى العاندا جولايرىق ماسەلەسى شەشىلدى دەپ ايتۋعا بولادى»، – دەدى الماتى قالاسى جەر قاتىناستارى باسقارماسىنىڭ باسشىسى ارداق سامامبەتوۆ.

ەسكە سالا كەتەيىك، سەيفۋللين داڭعىلى مەن جانسۇگىروۆ كوشەسىنىڭ قيىلىسىندا كەشكى جانە تاڭعى ۋاقىتتا ۇزىن سونار كەپتەلىس بولىپ قالاتىندىقتان، قالا باسشىلىعى جولايرىق سالۋدى ۇيعارعان. رەسپۋبليكالىق بيۋدجەتتەن بۇل قۇرىلىسقا 3 ميلليارد تەڭگە  بولىنگەن بولاتىن.

سوڭعى جاڭالىقتار