1 جەلتوقسان, 19:32 458 0 الەۋمەت انار لەپەسوۆا

قازاقستاندا ەلباسىمەن اتتاس قانشا قىز بالا بار؟

بيىل ەلىمىزدە قازاقستان رەسپۋبليكاسىنىڭ تۇڭعىش پرەزيدەنتىنىڭ ەسىمى قانشا بالاعا قويىلدى؟  بۇل ساۋالعا ەلوردا ينفو جاۋاپ ىزدەپ كورىپتى. 

ۇەم ستاتيستيكا كوميتەتىنىڭ دەرەگىنە سۇيەنسەك، قازاقستاندا ەلباسىنىڭ 18 076 اتتاسى بار ەكەن. ونىڭ ىشىندە 1617-ءسى نۇر-سۇلتاندا تۇرادى. بەلگىلى بولعانداي، 2019 جىلى 41 شاقالاقتى نۇرسۇلتان دەپ اتاپتى. 2015 جىلى 205 بۇلدىرشىنگە نۇرسۇلتان ەسىمى قويىلعان ەكەن. بىراق سوڭعى بەس جىلدا تۇڭعىش پرەزيدەنتتىڭ اتتاسى كۇرت ازايعان. بۇعان شاماسى ەلباسىنىڭ 2015 جىلدىڭ 29 ساۋىرىندەگى يناۋگراتسياسى سەبەپ بولعان كورىنەدى. 2016 جىلى تۋعان بالالاردىڭ 136-سىنا عانا نۇرسۇلتان اتى قويلعان. 2017 جىلى – 104, 2018 جىلى – 67.ال ەل استاناسىنىڭ اتاۋى وزگەرتىلگەلى بەرى نۇرسۇلتانداردىڭ قاتارى 28 ادامعا كوبەيگەن.

قازىر الەمدە ءوز بالالارىنا ەرەكشە ەسىم بەرۋ، نەمەسە قوسارلانعان ات قويۋ جاڭا ۇردىسكە اينالىپ بارادى. ال ۇل بالاعا دا، قىز بالاعا دا كەلەتىن ەسىمدەر ەشقاشان ەسكىرمەيدى. مىسالعا الار بولساق، ۇل بالالاردا ايگەرىم، سالتانات ەسىمدەرى كەزدەسىپ جاتسا، ارمان، باعدات، جانات سەكىلدى اتتار قىز بالالارعا دا قويىلادى.

ءبىر قىزىعى، قازاقستاندا قىزدارعا دا ەلباسىنىڭ اتى قويىلىپتى. رەسپۋبليكامىزدا بەس نۇرسۇلتان جانە ەكى نۇرسۇلتانا ەسىمدى قىز بار. ستاتيستيكالىق مالىمەتتەرگە سۇيەنەر بولساق.

قازاقستاندا اتى-ءجونى نۇرسۇلتان نازارباەۆ بولىپ جازىلعان 56 ادام تۇرادى.

سوڭعى جاڭالىقتار