29 قاراشا 2019, 16:13 733 0 الەۋمەت انار لەپەسوۆا

ەلوردادا ۇلكەن اينالما جول اشىلدى

بۇگىن ۇكىمەت باسشىسى اسقار مامين نۇر-سۇلتان قالاسىنىڭ ۇلكەن اينالما جولىندا كولىك قوزعالىسىن اشتى، دەپ حابارلادى "قازاۆتوجول" ۇك ءباسپاسوز قىزمەتى.

سالتاناتتى شاراعا نۇر-سۇلتان قالاسىنىڭ اكىمى التاي كولگىنوۆ، قازاقستان رەسپۋبليكاسىنىڭ حالىقارالىق اۆتوموبيل تاسىمالداۋشىلارى وداعى وكىلدىگىنىڭ ديرەكتورى ي.گ.يانسون، مەردىگەر ۇيىمدار مەن تەحنيكالىق باقىلاۋ قىزمەتتەرىنىڭ وكىلدەرى قاتىستى.

8ded1fa72c4ae0dcb6e93ace5ebd1dc0.jpg

"نۇر-سۇلتان قالاسىنىڭ ۇلكەن اينالما جولى" جوباسى بويىنشا قۇرىلىس-مونتاج جۇمىستارىن 2017 جىلدىڭ جەلتوقسان ايىندا "سينسين" كگك كف جانە "قازگەرستروي" سپ" جشس قۇرىلىس كونسورتسيۋمى باستاعان. اينالما جولدىڭ ۇزىندىعى 34 شاقىرىمدى قۇرايدى. قايتا جاڭارتۋ جۇمىستارىنان كەيىن تاس جول ءى تەحنيكالىق ساناتقا كەلتىرىلىپ، ەنى 7,5 مەتردى قۇرايتىن تولىق 4 جولاقتى اۆتوجول بولادى، - دەلىنگەن كومپانيانىڭ حابارلاماسىندا.

اينالما جولىن قايتا جاڭارتۋ جۇمىستارى كۇردەلى ينجەنەرلىك جوبالاردىڭ ءبىرى بولىپ تابىلادى. ونىڭ قۇرامىنا 4 جول ايرىعى مەن 3 كوپىردىڭ قۇرىلىسى كىرەدى.

1000-نان استام بىلىكتى مامان جۇمىلدىرىلعان مەردىگەر ۇيىمداردىڭ ءتيىمدى جانە بىرلەسكەن جۇمىستارىنىڭ ناتيجەسى بويىنشا ەلوردانىڭ كولىك جۇيەسىنىڭ جۇكتەمەسى ازايىپ، جولاۋشىلاردىڭ ۋاقىتى ۇنەمدەلەدى. سونىمەن قاتار، نۇر-سۇلتان قالاسىنداعى ەكولوگيالىق جاعدايعا دا يگى اسەرى تيەدى دەپ جوسپارلانۋدا.

سالتاناتتى ءىس-شارانىڭ بارىسىندا اسقار مامين اۆتوجولداردىڭ قۇرىلىسى مەن قايتا جاڭارتۋ جۇمىستارىندا قولدانىلاتىن جاڭا تەحنولوگيالار مەن ماتەريالدار ۇسىنىلعان اشىق ەكسپوزيتسيالارمەن تانىستى.

شارانى قورىتىندىلاي كەلە، قازاقستان رەسپۋبليكاسىنىڭ پرەمەر-ءمينيسترى باتىرمانى باسىپ، نۇر-سۇلتان قالاسىنىڭ ۇلكەن اينالما جولىنداعى كولىك قوزعالىسىن اشتى.

سوڭعى جاڭالىقتار