29 قاراشا, 15:13 769 0 جاڭالىقتار Túrkistan Gazeti

لاتىن ءالىپبيى بويىنشا سەمينار-كەڭەس ءوتتى

نۇر-سۇلتان قالاسىندا شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن «لاتىن گرافيكاسىنداعى باق مۇمكىندىگى جانە ماسەلەلەرى» دەگەن اتپەن سەمينار-كەڭەس ءوتتى.

ءىس-شارا بارىسىندا قازاق ءتىلىنىڭ جاھاندانۋ ۇدەرىسىندەگى لاتىن گرافيكاسىنا كوشۋدەگى لوگيكالىق ماعىناسى، قازاق ءتىلىنىڭ دامۋىنداعى ونىڭ ءرولى مەن ماڭىزدىلىعى ماسەلەسى ءسوز بولدى. جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگىن ارتتىراتىن رەفورما رەتىندەگى جاڭا الىپبيگە كوشۋ بارىسى تالقىلاندى.

سەمينار-كەڭەس اياسىندا ءسوز العان ش.شاياحمەتوۆ اتىنداعى «ءتىل قازىنا» ۇلتتىق عىلىمي-پراكتيكالىق ورتالىعىنىڭ عالىم حاتشىسى انار فازىلجانوۆا ورفوەپيانى قازاق ءتىلىنىڭ عىلىمي كۋرسىنا ەنگىزۋدىڭ ماڭىزدىلىعىنا توقتالسا، ورتالىقتىڭ قوعاممەن بايلانىس ءبولىمىنىڭ باسشىسى، IT مامانى ءمولدىر باقىتقىزى كيريل ءالىپبيىن لاتىن الىپبيىنە اۆتوماتتى تۇردە اۋداراتىن پلاتفورمالاردى تانىستىردى. جيىنعا قاتىسۋشىلار لاتىن الىپبيىنە كوشۋ بويىنشا ۇسىنىستارىن جەتكىزدى.

ارايلىم جولداسبەكقىزى

 

سوڭعى جاڭالىقتار