29 قاراشا 2019, 12:31 754 0 نۇر وتان انار لەپەسوۆا

Nur Otan پارتياسىنىڭ الماتى فيليالىندا قايتا جاڭعىرتۋ ماسەلەلەرى ءسوز بولدى

الماتىدا Nur Otan پارتياسى قالالىق فيليالى اكتيۆىنىڭ وتىرىسى ءوتتى. 

جيىندا پارتيانى قايتا جاڭعىرتۋدىڭ ماڭىزدى ماسەلەلەرى، ونىڭ ىشىندە پارمەندى ەلەكتورات قۇرۋ، پرايمەريز جۇرگىزۋ، پارتيالىق جوبالاردى جۇزەگە اسىرۋ، ءماسليحاتتاردىڭ ءرولىن جانە دەپۋتاتتىق فراكتسيالاردىڭ جۇمىسىن كۇشەيتۋ ماسەلەلەرى تالقىلاندى. «پارتيانىڭ قالالىق فيليالى قايتا جاڭعىرتۋ، حالىقتى تولعاندىراتىن وزەكتى ماسەلەلەردى قاراۋ بويىنشا جۇيەلى جۇمىستار جۇرگىزۋدە. سونىمەن قاتار، باستاۋىش پارتيا ۇيىمدارى مەن Jas Otan جاستار قاناتى بەلسەندىلىك تانىتۋدا. ەلباسىمەن بولعان كەڭەستە جەرگىلىكتى جەردەگى حالىق ءجيى كەلەتىن سەگىز اۋدانداعى ءبىز قۇرعان كونسۋلتاتيۆتى ورتالىقتاردىڭ جۇمىسى اتاپ ءوتىلدى»، - دەدى ب. ساعىنتاەۆ.

اكتيۆتىڭ جۇمىسىنا Nur Otan پارتياسى قالالىق فيليالى ساياسي كەڭەسىنىڭ جانە دەپۋتاتتىق فراكتسيا مۇشەلەرى، پارتيانىڭ اۋداندىق فيليالدارى مەن باستاۋىش ۇيىم باسشىلارى، پارتيالىق باقىلاۋ كوميسسياسىنىڭ، سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ جانە پارتيانىڭ قالالىق فيليالى باقىلاۋ-تەكسەرۋ كوميسسياسىنىڭ مۇشەلەرى قاتىستى.

 

سوڭعى جاڭالىقتار