27 قاراشا, 10:06 728 0 ەكونوميكا انار لەپەسوۆا

كەلەر جىلى ەلىمىزدە 1,3 مىڭ شاقىرىم جول پايدالانۋعا بەرىلەدى

2020 جىلى قازاقستاندا جوندەلگەن نەمەسە پايدالانۋعا بەرىلەتىن 1373 شاقىرىم اۆتوموبيل جولى اشىلادى، دەپ حابارلايدى  قر يدم ءباسپاسوز قىزمەتى.

«مەملەكەتتىك «نۇرلى جول» باعدارلاماسىن ىسكە اسىرۋدى جالعاستىرۋ اياسىندا 2020 جانە 2026 جىلدار ارالىعىندا رەسپۋبليكالىق ماڭىزى بار اۆتوموبيل جولدارىنىڭ 10 مىڭ شاقىرىمى قايتا جاڭارتۋ جۇمىستارىمەن قامتىلسا، ونىڭ 1373 شاقىرىمىندا قوزعالىس كەلەسى جىلى اشىلماق»، دەلىنگەن حابارلامادا.

«ورتالىق-وڭتۇستىك» باعىتى بويىنشا جولدىڭ 311 شاقىرىمى، «پەتروپاۆل-قورعان» تاسجولىنىڭ 37 شاقىرىمى، «ورتالىق-شىعىس» جوباسى بويىنشا جولدىڭ 13 شاقىرىمى، «قوستاناي-دەنيسوۆكا» اۆتوجولىنىڭ 65 شاقىرىمى، «اقتوبە-قاندىاعاش-ماقات» تاسجولىنىڭ 160 شاقىرىمى پايدالانۋعا بەرىلەدى دەپ كۇتىلۋدە. سونىمەن قاتار، كەلەسى جىلى «اتىراۋ-استراحان» باعىتى بويىنشا جولدىڭ 60 شاقىرىمىندا، «وسينوۆ اسۋى» جوباسى بويىنشا جولدىڭ 32 شاقىرىمىندا، «تالدىقورعان-وسكەمەن» اۆتوموبيل جولىنىڭ 384 شاقىرىمىندا، «ۇزىناعاش-وتار» جولىنىڭ 96 شاقىرىمىندا كولىك قوزعالىسى اشىلادى.

مۇنىمەن قوسا، جوسپارعا سايكەس «ءۇشارال-دوستىق» تاسجولىنىڭ 60 شاقىرىمى، «قالباتاۋ-مايقاپشاعاي» اۆتوجولىنىڭ 155 شاقىرىمى پايدالانۋعا بەرىلمەك. ەسكە سالايىق، 2020 جىلى 5 917 شاقىرىمى جول اقىلى بولادى. 2025 جىلعا قاراي مۇنداي جولداردىڭ جالپى ۇزىندىعى 11,7 مىڭ شاقىرىمعا جەتەدى.

 

سوڭعى جاڭالىقتار