25 قاراشا, 14:56 440 0 كولىك انار لەپەسوۆا

جەلتوقسانداعى مەرەكە كۇندەرى 4 باعىت بويىنشا قوسىمشا پويىزدار قاتىنايدى

«جولاۋشىلار تاسىمالى» كومپانياسى جەلتوقسان ايىنداعى مەرەكە كۇندەرى 4 باعىت بويىنشا قوسىمشا پويىزدار شىعارادى. بۇل تۋرالى كومپانيانىڭ ءباسپاسوز قىزمەتى حابارلادى. 

پويىزدار تۇڭعىش پرەزيدەنت كۇنى، قر تاۋەلسىزدىك كۇنى، جاڭا جىل مەرەكەسى كۇندەرى جۇرەدى. «الماتى-2 – شىمكەنت» باعىتى بويىنشا 12 رەيس «الماتى-2-دەن» 28 قاراشا كۇنى، جەلتوقسان ايىنىڭ 2, 5, 9, 12, 16, 19, 23, 26, 30 جۇلدىزدارى جانە 2020 جىلدىڭ 2, 6 قاڭتار كۇندەرى شىقسا، سايكەسىنشە شىمكەنت قالاسىنان 29 قاراشا، 3, 6, 10, 13, 17, 20, 24, 27, 31 جەلتوقسان جانە 3, 7 قاڭتار كۇندەرى كەرى باعىتتا اتتانادى.

«الماتى-2 – تۇركىستان» باعىتى بويىنشا 4 رەيس «الماتى-2 –دەن» 28 قاراشا جانە 5, 17, 24 جەلتوقسان كۇندەرى، ال تۇركىستاننان سايكەسىنشە 29 قاراشا جانە 6, 18, 25 جەلتوقسان كۇندەرى كەرى باعىتتا جۇرەدى.

«ماڭعىستاۋ-بەينەۋ» باعىتى بويىنشا كۇنارا ماڭعىستاۋدان 28 قاراشادان باستاپ 2020 جىلدىڭ 6 قاڭتارىنا دەيىن جۇپ كۇندەرى، ال بەينەۋدەن 29 قاراشادان باستاپ 2020 جىلدىڭ 7 قاڭتارىنا دەيىن تاق كۇندەرى جۇرەدى.

«نۇر-سۇلتان-شۋ» باعىتى بويىنشا «تۇلپار-تالگو» ۆاگوندارىمەن جاساقتالعان 2 رەيس 31 جەلتوقساننان باستاپ 2020 جىلدىڭ 2 قاڭتارىنا شەيىن قاتىنايدى.

سونداي-اق، №712/711 «نۇر-سۇلتان-نۇرلى جول – شىمكەنت» كوممەرتسيالىق پويىزى 8 جەلتوقسانىنان باستاپ كۇن سايىن قاتىنايتىن بولادى. پويىز كەستەسىنە قاتىستى سۇراقتار بويىنشا، ۇلتتىق تاسىمالداۋشىنىڭ بىرىڭعاي انىقتاما قىزمەتى «105» نومىرىنە حابارلاسۋعا بولادى (ستاتسيونارلىق تەلەفوننان قوڭىراۋ تەگىن).

 

سوڭعى جاڭالىقتار