25 قاراشا 2019, 09:50 653 0 الەۋمەت انار لەپەسوۆا

ايەلدەرگە ارنالعان يپوتەكا قانداي شارتتارمەن بەرىلەدى؟

ەلىمىزدە ايەلدەرگە ارنالعان يپوتەكا پايدا بولادى. وسى ماقساتتا تۇرعىن ءۇي قۇرىلىس جيناق بانكى ازيا دامۋ بانكىنەن 38 ملرد تەڭگە قارىز الماقشى.

قازىر كەلىسىمدەر جاسالىپ، باعدارلاما ازىرلەنۋدە. ونىڭ نەگىزىندە ءار سالىمشى 30 ملن تەڭگەگە دەيىن نەسيە راسىمدەپ، قالاعان پاتەرىنە يە بولا الادى. باستاپقى جارنا سالىمشىنىڭ ەڭبەكاقىسىنا بايلانىستى ەسەپتەلەدى. مىسالى، 200 مىڭنان تومەن جالاقى الاتىندار ءۇشىن 15 پروتسەنت جوعارى السا، 20 پروتسەنت بولىپ بەلگىلەنەدى. بۇگىندە بانك سالىمشىلارىنىڭ 60 پروتسەنتى ايەلدەر ەكەن. ايتا كەتۋ كەرەك، مۇنداي باعدارلاما ازيا اۋماعىندا تۇڭعىش رەت قولعا الىنباق.

- ون بەس پايىز جارناپۇلمەن، 20 پايىز جارناپۇلمەن ءبىرىنشى نارىقتان، قۇرىلىسشىلاردان، بولماسا قايتالاما نارىقتان ءۇي ساتىپ الۋعا مۇمكىندىك پايدا بولادى. كەلگەن اقشانى، مەنىڭ ويىمشا، كوپشىلىگىندە اۋىلدىق جەرلەرگە، وبلىستارعا، باس ەكى قالامىزداعى تىس جەردەگى وڭىرلەرگە بەرەدى دەگەن بولجام بار، - دەپ حابارلايدى «قازاقستان تۇرعىن ءۇي قۇرىلىس جيناق بانكى» اق ورتالىق فيليالىنىڭ ديرەكتورى جانسۇلتان ماتاەۆ.

سوڭعى جاڭالىقتار