22 قاراشا 2019, 11:32 857 0 رۋحانيات انار لەپەسوۆا

«رۋحاني جاڭعىرۋ»: كەلەر جىلى «ەرەكشە ادامدار» جوباسى باستالادى

2020 جىلى «رۋحاني جاڭعىرۋ» قازاقستان قوعامدىق دامۋ ينستيتۋتى باستاماسىمەن «ەرەكشە ادامدار» جوباسى باستالماق، دەپ حابارلايدى pavlodarnews.kz.

پاۆلودار وبلىسى بويىنشا «رۋحاني جاڭعىرۋ» باعدارلاماسىن ىسكە اسىرۋ ءبولىمىنىڭ باسشىسى ءنۇريا كۋبەنوۆا جەرلەستەرىن جوباعا بەلسەندى قاتىسۋعا شاقىرادى.

«جوباعا ءوزىنىڭ قىزمەت سالاسىنا قاراماستان كەز-كەلگەن ازامات قاتىسا الادى. ءبىز ۇلتتىق مادەنيەتتى، ادەبيەتتى، ونەردى، قولونەردى، حالىقتىڭ سالت-ءداستۇرىن ناسيحاتتايتىن ادامدار تۋرالى وقيعالارمەن تانىس بولۋعا قۋانىشتىمىز، - دەيدى ءنۇريا كۋبەنوۆا.

قاتىسۋشىلاردىڭ جاس ەرەكشەلىگى بويىنشا شەكتەۋ جوق. Ruh.kz رەسپۋبليكالىق پورتالىندا، ءومىرى قىزىقتىرعان، كىشكەنتاي، ءتىپتى، ۇلكەن سەنساتسيا جاساعان كەيىپكەرلەر تۋرالى ماتەريالدار جاريالاناتىن بولادى. «ەرەكشە ادامدار» ايدارىنا قويىلاتىن تالاپتار جوعارىدا ايتىلعان قۇندىلىقتاردى دارىپتەيتىن، وتانى ءۇشىن قىزمەت ەتىپ جۇرگەن ادام بولۋى قاجەت. سونداي-اق، ءوزىنىڭ ەرەكشەلىگىن تولىق سيپاتتايتىن ناقتى ماتەريالدار جىبەرىلۋى كەرەك.

اقپاراتتىڭ ىشىندە تۇلعانىڭ تولىق اتى-ءجونى، تۋعان جەرى مەن مەكەنجايى، ەرەكشەلىگى كورسەتىلەدى. ماتەريال TimesNewRoman شريفتىندەگى 14-ولشەممەن جازىلىپ، فوتوسۋرەتتەر JPEG فورماتىندا (20 دانادان كەم ەمەس) بەرىلۋى ءتيىس. بۇل ايداردى Ruh.kz پورتالىندا جاريالاۋ مەرزىمى قوسىمشا حابارلانادى.

ايتا كەتەرلىگى، پورتالدا ۇمىتكەردىڭ بىرەگەيلىگىن ءتيىستى تۇردە سيپاتتامايتىن نەمەسە تالاپتارعا سايكەس كەلمەيتىن ماتەريالدار جاريالانبايدى. قاتىسۋشىلار وزدەرى تۋرالى نەمەسە باسقا ادامدار تۋرالى جينالعان ماتەريالداردى جوبا ءوفيسىنىڭ project_office_pvl@mail.ru ەلەكتروندى پوشتاسىنا «ەرەكشە ادام» تاقىرىبىن جازىپ جىبەرە الادى.

 

سوڭعى جاڭالىقتار