19 قاراشا, 21:48 301 0 الەۋمەت انار لەپەسوۆا

الماتىلىقتار كۇنىنە 500 توننا نان جەيدى

الماتىدا نان باعاسىن تۇراقتاندىرۋ قولعا الىندى. وسى ماقساتتا الماتى قالاسى الەۋمەتتىك كاسىپكەرلىك كورپوراتسياسى قالاداعى 4 نان ونىمدەرىن ءوندىرۋشى كاسىپورىنمەن كەلىسىمگە قول قويدى، دەپ حابارلايدى "الماتى" ارناسى. 

اتالمىش قۇجاتقا ساي اتالعان مەكەمە اس اتاسىنىڭ باعاسىن 75-85 تەڭگەدەن اسىرمايدى.

ايتا كەتەتىن جايت، الماتىلىقتار ءبىر كۇندە 500 تونناعا دەيىن 1-سۇرىپتاعى نان-توقاش ونىمدەرىن جەيدى ەكەن.

«بۇل مەموراندۋمنىڭ ارقاسىندا اقمولا وبلىسىنىڭ ۇن وندىرۋشىسىنەن ۇندى 115 تەڭگە تۇراقتاندىرىلعان باعامەن الامىز جانە بۇل جەردە ءبىز ەشقانداي بيۋدجەتتىك اقشا، قارجى سۇراپ وتىرعان جوقپىز. بۇل – كاسىپكەرلىكتىڭ، ءوزارا كەلىسىمنىڭ ارقاسىندا بولىپ وتىرعان جاعداي»، – دەدى «الماتى الەۋمەتتىك كاسىپكەرلىك كورپوراتسياسى» اق دەپارتامەنت باسشىسى سۇڭقار شورناقوۆ.

سوڭعى جاڭالىقتار