19 قاراشا, 11:51 509 0 ايماق انار لەپەسوۆا

تۇركىستان وبلىسىنان مۇناي تابىلدى

قازاقستاننىڭ وڭتۇستىگىنەن مۇناي تابىلدى. 

تۇركىستان وبلىسى ۇلكەن قاراتاۋداعى شوقپاق ۋچاسكەسىندە پالەوزوي جىنىستارىنان مۇناي بەلگىلەرى انىقتالعان، دەپ حابارلايدى "الماتى" ارناسى.

بۇل تۋرالى قر ەكولوگيا، گەولوگيا جانە تابيعي رەسۋرستار مينيسترلىگى مالىمدەدى. ارناۋلى ەكسپەديتسيا بوكسيت، ونىمەن قوسا قورعاسىن، مىرىش جانە سيرەك كەزدەسەتىن باسقا دا زاتتاردى تابۋ ءۇشىن ۇلكەن قاراتاۋدىڭ لەونتەۆ ويىسىنداعى گەوفيزيكالىق تۇزىلىمدەردى زەرتتەگەن. ول ءۇشىن 300 مەترگە دەيىنگى ۇڭعىمالار قازىلعانى بەلگىلى بولدى.

ۆەدومستۆو دەرەگىنشە، بۇرعىلانعان 39 ۇڭعىمانىڭ ون بىرىنەن قوڭىر ءتۇستى سۇيىق مۇناي تابىلىپتى. بۇدان تىس، بۇرعىلاۋ كەزىندە تابيعي بايلىقتىڭ قابىرشاقتارى ءبولىنىپ شىققان. تۇركىستان وبلىسىنداعى «قارا التىن» بەلگىلەرى ەلىمىزدىڭ تاۋلارىنان تابىلعان العاشقى مۇناي بولىپ تابىلادى. بۇل سىرداريا، شۋ-سارىسۋ ويپاتتارىنان مۇناي جانە گازدى ىزدەۋ ءۇشىن اسا ماڭىزدى قادام بولدى.

سوڭعى جاڭالىقتار