18 قاراشا, 14:09 302 0 ەكونوميكا انار لەپەسوۆا

جاڭا جىلدان باستاپ مۇلىك جانە جەر سالىعى بىرىكتىرىلەدى

قازاقستاندا 2020 جىلدان باستاپ جەر مەن مۇلىك سالىعىن بىرىكتىرىلمەك. بۇل تۋرالى وكق-دا وتكەن ءباسپاسوز ءماسليحاتىندا قر مكك سالىق سالۋ ءادىسناماسى دەپارتامەنتى ديرەكتورىنىڭ مىندەتىن اتقارۋشى داۋلەت جارىلعاسىنوۆ ايتتى، دەپ حابارلايدى قازاقپارات.

«الداعى ۋاقىتتا جەكە تۇلعالاردىڭ مۇلىك سالىعى مەن جەر سالىعىن تولەۋدى جەڭىلدەتۋ كوزدەلىپ وتىر. وسى ماقساتتا «قر-نىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ارقىلى سالىق ەلەمەنتتەرىن وزگەرتپەستەن وسى سالىقتاردى (جەر مەن مۇلىك) بىرىكتىرۋ ۇسىنىلۋدا»، - دەدى داۋلەت جارىلعاسىنوۆ.

ونىڭ ايتۋىنشا، بۇل جاعدايدا جەر مەن مۇلىككە سالىناتىن سالىق جەكە-جەكە ەسەپتەلەدى. ال سالىق تولەۋشىگە ءبىر سومامەن تولەۋ ۇسىنىلادى.

«سول سەكىلدى، زاڭ جوباسىندا كوپ پاتەرلى تۇرعىن ۇيلەردىڭ يەلەرى بويىنشا جەر سالىعىن الىپ تاستاۋ دا قاراستىرىلعان»، - دەدى ول.

 

سوڭعى جاڭالىقتار