18 قاراشا, 09:48 317 0 كولىك انار لەپەسوۆا

نۇر-سۇلتاندا ءبىر اي بويى جولاقى قۇنى 45 تەڭگە بولادى

نۇر-سۇلتان تۇرعىندارى مەن قالا قوناقتارى قوعامدىق كولىك قىزمەتى ءۇشىن ءبىر اي 45 تەڭگەدەن تولەۋگە مۇمكىندىك الدى. 

«جولاقىنى 50% جەڭىلدىكپەن SMS جانە QR-كود ارقىلى تولەي الاسىز. اكتسيا 18 قاراشادان باستالىپ، 18 جەلتوقسانعا دەيىن جالعاسادى»، - دەپ ءمالىم ەتتى «Astana LRT» كومپانياسىنان.

مۇنداي اكتسيانى ۇيالى بايلانىس وپەراتورلارىنىڭ ءبىرى ۇسىنىپ وتىر. اتاپ ايتقاندا، تولەمدى SMS نەمەسە QR-كود ارقىلى جاساعان كەزدە تەلەفون نومىرىنەن جول ءجۇرۋ بيلەتىنىڭ تولىق سوماسى – 90 تەڭگە شەگەرىلەدى. كەيىن بالانسقا 45 تەڭگە قايتارىلادى. جولاقىنى تولەۋ ءۇشىن شوتتا كەم دەگەندە 91 تەڭگە بولۋى ءتيىس.

«45 تەڭگەمەن اۆتوبۋستا كۇنىنە ەكى رەت جۇرە الاسىز. ال ءۇشىنشى جانە ودان ارعى ساپارلارىڭىز ءۇشىن ستاندارتتى – 90 تەڭگە تولەيسىز. اكتسيا تەك قالالىق باعىتتاردا جۇرەدى. باعاسى 180 تەڭگە بولاتىن ەكسپرەسس-مارشرۋتتاردا، سونداي-اق اقىسى 90, 200, 300 جانە 400 تەڭگەلىك قالاماڭى مارشرۋتتارىندا جەڭىلدىك قاراستىرىلماعان»، - دەپ ناقتىلادى «Astana LRT»-دان.

 

سوڭعى جاڭالىقتار