17 قاراشا, 13:12 264 0 الەۋمەت انار لەپەسوۆا

رولدە وتىرىپ ۇيىقتاپ كەتكەن: الماتىدا ماس ايەل جاياۋ جۇرگىنشىنى قاعىپ، مەرت قىلدى

الماتىدا ماس كۇيىندە رولگە وتىرعان ايەل جاياۋ جۇرگىنشىنى قاعىپ كەتتى. بۇل تۋرالى  "تەرريتوريا پرويسشەستۆي" باعدارلاماسى حابارلادى. 

جول-كولىك وقيعاسى MEGA Alma-Ata سوو-عا قاراما-قارسى جولدا بولعان.

كۋاگەرلەردىڭ ايتۋىنشا، Hyundai اۆتوكولىگى روزىباكيەۆ كوشەسىنىڭ بويىمەن وڭتۇستىك باعىتتا قوزعالىپ كەلە جاتقان. كولىك تىزگىنىندە 1992 جىلعى ايەل وتىرعان.

بولجام بويىنشا، ول ۇيىقتاپ قالىپ، كولىك جول جيەگىنە شىعىپ كەتىپ، ساۋدا ويىن-ساۋىق ورتالىعىنىڭ اۆتوتۇراعىنا كىرە بەرىستە جاياۋ جۇرگىنشىنى قاعىپ كەتتى. وقيعا سالدارىنان جۇرگىزۋشى جەڭىل جاراقات الدى، ال جاياۋ جۇرگىنشى وقيعا بولعان جەردە كوز جۇمدى.

مەديتسينالىق تەكسەرىستەن كەيىن ايەلدىڭ ماس بولعانى انىقتالدى.

قايتىس بولعان ەر ادامنىڭ وزىمەن قۇجاتتارى بولماعان، سوندىقتان ونىڭ كىم ەكەنى ءالى انىقتالىپ جاتىر.

سوڭعى جاڭالىقتار