15 قاراشا, 15:19 306 0 نارىق انار لەپەسوۆا

دۋباي – اقتاۋ باعىتىندا اۋە قاتىناسى اشىلادى

13-14 قاراشادا قازاقستان رەسپۋبليكاسى مەن بىرىككەن اراب امىرلىكتەرىنىڭ اۆياتسيالىق بيلىكتەرى كەلىسسوزدەر جۇرگىزدى، دەپ حابارلادى قر يندۋستريا جانە ينفراقۇرىلىمدىق دامۋ مينيسترلىگى.

«Emirates Airlines» اۋە كومپانياسى 2021 جىلدان سوڭ جاڭا ا330 جانە ا350 اۋە كەمەلەرىن العاننان كەيىن ەكى ەل اراسىندا تىكەلەي تۇراقتى رەيستەردى اشۋدى جوسپارلاپ وتىر. سونىمەن قاتار دۋباي – اقتاۋ باعىتى بويىنشا تۇراقتى اۋە قاتىناسىن اشۋ جوسپاردا بار.

كەلىسسوزدەرگە «Fly Dubai»، «Emirates Airlines»، «Etihad Airways»، «Air Astana»، «SCAT» اۋە كومپانيالارىنىڭ، سونداي-اق قاراعاندى جانە الماتى قالالارىنىڭ اۋەجايلارىنىڭ وكىلدەرى قاتىستى.

ناتيجەسىندە ەكى ەلدىڭ تاعايىندالعان تاسىمالداۋشىلارىنا قازاقستاندا ەنگىزىلگەن 5-ءشى «اۋە ەركىندىگىن» ۇسىناتىن «اشىق اسپان» ءتارتىبى اياسىندا تۇراقتى رەيستى ورىنداۋ ءۇشىن قۇقىقتىق بازا بەكىتىلدى. قول جەتكىزىلگەن ۋاعدالاستىقتارعا سايكەس، ءباا-ءنىڭ تاعايىندالعان تاسىمالداۋشىلارى قازاقستاننىڭ نۇر-سۇلتان، الماتى، شىمكەنت، اقتاۋ، قاراعاندى، وسكەمەن، پاۆلودار، كوكشەتاۋ، تاراز، پەتروپاۆل، سەمەي قالالارىنان 5-ءشى «اۋە ەركىندىگىن» ۇسىناتىن «اشىق اسپان» ءتارتىبى اياسىندا تۇراقتى اۋە تاسىمالدارىن ورىنداۋعا قۇقىلى.

ايتا كەتۋ كەرەك، مەملەكەت باسشىسى قاسىم-جومارت توقاەۆتىڭ تاپسىرمالارىن ورىنداۋ ماقساتىندا 2019 جىلدىڭ 1 قاراشاسىنان باستاپ نۇر-سۇلتان، الماتى، شىمكەنت، اقتاۋ، قاراعاندى، وسكەمەن، پاۆلودار، كوكشەتاۋ، تاراز، پەتروپاۆل، سەمەي قالالارىنىڭ اۋەجايلارىندا رەيستەر سانىنا شەكتەۋلەردى الىپ تاستاۋدى جانە  شەتەلدىك اۋە كومپانيالارىنا 5-ءشى اۋە ەركىندىگىن ۇسىنۋدى كوزدەيتىن «اشىق اسپان» رەجيمى ەنگىزىلەدى. «اشىق اسپان» رەجيمى ودان ءارى ۇزارتۋ مۇمكىندىگىمەن 3 جىل مەرزىمگە جارامدى.

سوڭعى جاڭالىقتار