14 قاراشا, 14:36 294 0 ايماق انار لەپەسوۆا

قاسىم-جومارت توقاەۆ: كوزبوياۋشىلىقپەن اينالىسۋدىڭ قاجەتى جوق

مەملەكەت باسشىسى قاسىم-جومارت توقاەۆ جاڭا مەملەكەتتىك يندۋستريالدى-يننوۆاتسيالىق باعدارلامانى دايارلاۋ كەزىندە الدىڭعى باعدارلامالاردىڭ قاتەلىكتەرىن ەسكەرىپ، ءتيىمدى ارەكەت ەتۋ كەرەگىن ەسكەرتتى. 

«ءبىز بوس اۋرەلەنىپ، كوزبوياۋشىلىقپەن اينالىسپاۋىمىز كەرەك. جاڭا مەملەكەتتىك يندۋستريالدى-يننوۆاتسيالىق باعدارلاما دايارلاۋ كەزىندە الدىڭعى باعدارلامالاردىڭ قاتەلىگىن ەسكەرگەن ابزال. جەڭىستەرىمىز جايلى ەسەپتىڭ قاجەتى جوق. شىنايى تالداۋ مەن ءتيىمدى ارەكەتتەر كەرەك»، - دەدى قاسىم-جومارت توقاەۆ اقمولا وبلىسىن دامىتۋ ماسەلەلەرى جونىندەگى كەڭەستە.

سونىمەن قاتار، مەملەكەت باسشىسى ۇكىمەت پەن پارلامەنت دەپۋتاتتارىنىڭ، وبلىس اكىمدەرىنىڭ مىندەتى – ەلباسىنىڭ ۇزاق مەرزىمدى ستراتەگياسى، ۇلت جوسپارى مەن بەس ينستيتۋتسيونالدىق رەفورمانى تولىققاندى جۇزەگە اسىرۋ ەكەنىن ەسكە سالدى.«تەك سوندا عانا تەگەۋرىندەر مەن قيىندىقتاردى ەڭسەرە الامىز»، - دەدى ول. 

 

سوڭعى جاڭالىقتار