14 قاراشا, 14:30 273 0 رۋحانيات انار لەپەسوۆا

سارايشىقتا قاسىم حاننىڭ ەڭسەلى ەسكەرتكىشى بوي كوتەرەدى

سارايشىق قالاشىعىنىڭ ماڭىندا قاسىم حانعا مونۋمەنتالدى ەسكەرتكىش ورناتىلادى. بۇل جايىندا قر پرەمەر-ءمينيسترى اسقار ءماميننىڭ ءماجىلىس دەپۋتاتتارىنا بەرگەن جاۋابىندا ايتىلعان دەپ حابارلايدى قازاقپارات. 

ايتا كەتەرلىگى، پرەمەر-مينيسترگە رەسمي ساۋال جولداعان دەپۋتاتتار سارايشىق قالاشىعىنا ارنالعان ۇكىمەتتىڭ ارنايى كەشەندى شەشىم قابىلداۋىن سۇراعان بولاتىن. اتالعان ساۋالعا جاۋاپ بەرگەن ۇكىمەت باسشىسى «سارايشىق» مەملەكەتتىك تاريحي-مادەني مۇراجاي-قورىعى» رمقك قىزمەتىن قامتاماسىز ەتۋگە رەسپۋبليكالىق بيۋدجەتتەن 52,2 ملن تەڭگە قاراستىرىلعانىن ايتادى.

سونداي-اق مۋزەي-قورىق كورسەتىلەتىن اقىلى قىزمەتتەن تۇسكەن تابىستى بەلگىلەنگەن تارتىپپەن قىزمەتتى دامىتۋعا پايدالانادى. سارايشىق قالاشىعىن كونسەرۆاتسيالاۋ مەن قالپىنا كەلتىرۋدى قامتاماسىز ەتۋ ءۇشىن 2020-2022 جىلدارعا ارنالعان رەسپۋبليكالىق بيۋدجەت جوباسىندا 58 ملن تەڭگە جانە مۋزەي-قورىقتىڭ قىزمەتىن قامتاماسىز ەتۋگە 163,1 ملن تەڭگە قاراستىرىلدى.

مۇنان بولەك مادەنيەت جانە سپورت مينيسترلىگىنە 2020-2022 جىلدارعا ارنالعان رەسپۋبليكالىق بيۋدجەتتى ناقتىلاۋ كەزىندە مۋزەي-قورىقتىڭ ماتەريالدىق تەحنيكالىق بازاسىنىڭ ماسەلەلەرىن قوسىمشا قاراۋ تاپسىرىلدى. «2020 جىلى رەسپۋبليكالىق دەڭگەيدە التىن وردانىڭ 750 جىلدىعىن مەرەكەلەۋ جوسپارلانىپ وتىر. وسىعان بايلانىستى 2020 جىلعا ارنالعان ءتيىستى جوسپار جوباسى ازىرلەندى. 2019 جىلعى 10-11 قازاندا مۋزەي-قورىقتا تۇركيا، رەسەي، قىتاي، گەرمانيا ەلدەرىنىڭ وتاندىق جانە شەتەلدىك عالىمدارىنىڭ قاتىسۋىمەن

«جوشى ۇلىسى جانە سارايشىق-قازاق مەملەكەتتىلىگىنىڭ باستاۋىندا» اتتى حالىقارالىق عىلىمي-تاجىريبەلىك كونفەرەنتسيا ءوتتى. وسى ءىس-شارا اياسىندا مۋزەي-قورىقتىڭ ۆيرتۋالدى نۇسقاسى تانىستىرىلدى. كەلەسى جىلى مۋزەي-قورىقتا كەرۋەن سارايدىڭ، ورتاعاسىرلىق سارايشىق قالاشىعى تسيتادەلىنىڭ قاقپاسىن قالپىنا كەلتىرۋ جانە سارايشىق قالاشىعىنىڭ ماڭىندا قاسىم حانعا مونۋمەنتالدى ەسكەرتكىش ورناتۋ سياقتى ءىس-شارالار وتكىزۋ جوسپارلانۋدا»، - دەپ اتاپ وتەدى ۇكىمەت باشىسى.

ا.ءماميننىڭ اتاپ وتىنشە، قازىرگى ۋاقىتتا عىلىمي-رەستاۆراتسيالاۋ جۇمىستارىن جۇرگىزۋگە عىلىمي-جوبالاۋ قۇجاتتاماسى ازىرلەنىپ جاتىر. سونداي-اق 2020 جىلى ورتاعاسىرلىق سارايشىق قالاشىعىنىڭ قورعاۋ ايماقتارىن انىقتاۋ بويىنشا جۇمىستار جۇرگىزىلەتىن بولادى. «بۇدان باسقا، 2020 جىلى رەسپۋبليكالىق جانە وڭىرلىك باق-تاردا اتاۋلى كۇندى مىندەتتى تۇردە اقپاراتتىق سۇيەمەلدەۋ جوسپارلانىپ وتىر. اتالعان ءىس-شارالار مۋزەي-قورىقتىڭ قىزمەتىن جانداندىرۋعا باعىتتالعان. وسىعان بايلانىستى سارايشىق مۋزەي-قورىعىن دامىتۋعا ارنالعان ۇكىمەتتىڭ جەكەلەگەن كەشەندى شەشىمىن ازىرلەۋ جانە قابىلداۋ ورىنسىز»، - دەدى پرەمەر-مينيستر.

 

سوڭعى جاڭالىقتار