13 قاراشا, 19:48 293 0 سپورت انار لەپەسوۆا

گولوۆكين مەن الۆارەستىڭ ءۇشىنشى كەزدەسۋى قاشان وتەتىنى بەلگىلى بولدى

IBF تۇجىرىمى بويىنشا الەم چەمپيونى  گەننادي گولوۆكيننىڭ 2020 جىلى وتكىزەتىن كەزدەسۋلەردىڭ كەستەسى جاسالعان. بۇل تۋرالى بوكسشىنىڭ وكىلدەرى حابارلادى. 

قازاقستاندىق سپورتشى 2020 جىلدىڭ 8 اقپانىندا چەمپيوندىق بەلدىگىن قورعاۋ ماقساتىندا پولشالىق بوكسشى كاميل شەرەمەتاعا قارسى چيكاگو قالاسىندا جەكپە-جەك وتكىزەدى. IBF پولشالىق بوكسشىنى مىندەتتى قارسىلاس ەتىپ تاعايىنداماسا دا كەزدەسۋ وتكىزۋ كەلىسىمشارتى جاسالىپ قويعان.

سونداي-اق 2020 جىلدىڭ مامىر ايىندا گولوۆكين مەن الۆارەس اراسىندا ءۇشىنشى كەزدەسۋ وتكىزۋ كۇتىلگەن. الايدا، مەكسيكالىق بوكسشى ول ۋاقىتتا GGG-مەن جۇدىرىقتاسپايتىنىن ايتقان. "كانەلو" تاراپى كەزدەسۋدى 2020 جىلدىڭ قىركۇيەگىندە سان-انتونيو قالاسىندا وتكىزۋدى ۇسىنعان. بۇعان GGG كومانداسى ازىرشە كەلىسىمىن بەرگەن.

ايتا كەتسەك، گولوۆكين مەن الۆارەس اراسىنداعى كەزدەسۋلەردىڭ بارلىعى تەك قىركۇيەك ايىندا وتكىزىلگەن. ءبىرىنشى جەكپە-جەك تەڭ اياقتالسا، 2017 جىلعى كەزدەسۋدە مەكسيكالىق بوكسشى تورەشىلەردىڭ شەشىمىمەن جەڭىسكە جەتكەن بولاتىن.

سوڭعى جاڭالىقتار