13 قاراشا, 12:51 333 0 الەۋمەت انار لەپەسوۆا

"25 گرادۋس اياز": قازاقستاننىڭ بىرنەشە وڭىرىندە كۇن كۇرت سۋىتادى

14-16 قاراشا ارالىعىندا ەلىمىزدىڭ بىرقاتار ايماعىندا اياز بولادى دەپ كۇتىلۋدە. بۇل تۋرالى "قازگيدرومەت" رمك سينوپتيكتەرى جاريالاعان اۋا رايى بولجامىندا ايتىلعان.  

قازاقستان تەرريتورياسىندا ورال جانە باتىس ءسىبىر ايماقتارىنان اركتيكالىق فرونتتاردىڭ وڭتۇستىك-شىعىسقا جىلجۋىمەن قار، كەي جەرلەردە بۇرقاسىن، سولتۇستىك-شىعىس جەلىنىڭ كۇشەيۋى جانە كوكتايعاق بولادى. ال فرونتتاردىڭ ارتىنان اركتيكالىق تەڭىز اكۆاتورياسىندا قالىپتاسقان انتيتسيكلون جىلجيدى. ونىمەن رەسپۋبليكانىڭ كوپتەگەن وبلىسىندا كۇن سۋىتادى. سولتۇستىك، ورتالىق جانە شىعىس ايماقتاردا تۇڭگى اۋا تەمپەراتۋراسى 13...18, كەي جەرلەردە 20...25 ايازعا دەيىن تومەندەيدى، بۇل ورتاشا كوپجىلدىق ماننەن 4…10°س-قا تومەن. تەك رەسپۋبليكانىڭ باتىسىندا وسى كۇندەرى اۋا تەمپەراتۋراسى نورماعا جاقىن جانە جاۋىن-شاشىنسىز اۋا رايى بولادى، - دەلىنگەن حابارلامادا.

13 قاراشادا سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى. 14 قاراشادا سولتۇستىك-شىعىستان جەل سوعادى، كەي جەرلەردە كۇشى 15-20 م/س جەتپەك.

سوڭعى جاڭالىقتار