13 قاراشا, 12:41 555 0 قوعام انار لەپەسوۆا

الماتىلىق وقۋشىلار "ۇزدىك ۆاينەر" اتاعىنا تالاسادى

الماتىدا مەكتەپ-ينتەرناتتار مەن بالالار ۇيلەرىنىڭ جوعارى سىنىپ وقۋشىلارى اراسىندا ۇزدىك ۆاين بايقاۋى جاريالاندى. سايىس 4 كەزەڭنەن تۇرادى. ىرىكتەۋ قازان ايىندا باستالعان. 100-دەن استام ۇمىتكەردەن ءوتىنىش كەلىپ تۇسكەن، دەپ حابارلايدى "الماتى" ارناسى. 

سونىڭ ىشىندە 39 قاتىسۋشى تاپسىرمانى دۇرىس ورىنداعان. ەندى ولارعا تانىمال ونلاين-رەجيسسەر جانە ستسەناريست، تەاتر جانە كينو اكتەرى مەن ترەۆۆەل-بلوگەر شەبەرلىك ساباقتارىن وتكىزەدى.

«بۇل بايقاۋعا قاتىسقان سەبەبىم – بولاشاقتا تەلەۆيزيا سالاسىنىڭ اتاقتى مامانى بولۋدى ارماندايمىن. جانە كوپتەگەن ۆاينەرلارمەن سويلەسىپ، ولاردىڭ اقىل-كەڭەستەرىن العىم كەلەدى. بۇل «ايالا» قورىنىڭ ماعان بەرەر كومەگى ول مەنى بولاشاققا ۇمىتتەندىرىپ جانە دە ماعان ول كوپتەگەن مۇمكىندىكتەر بەرەدى. جانە ءوزىمدى ەركىن ۇستاۋعا ۇيرەنەمىن», – دەدى قاتىسۋشى بالسۇلتان ەلىكباي.

«قازىر جاسىراتىن نەسى بار Youtube سەكىلدى ۇلكەن پلاتفورمالاردا قازاقشا كونتەنت جوق. بولسا دا، جاقسى دۇنيەلەر جوق. بوس بىلايشا ايتقاندا. جاڭاعى بوس تۇرعان ورىندى تولتىرىپ، كەرەمەت دۇنيەلەردى جاساۋعا تىرىسىپ جاتقان جاستاردىڭ كوبەيىپ جاتقانىنا مەن شىن جۇرەكتەن قۋانىشتىمىن. ءبىز دە وعان ءوزىمىزدىڭ ۇلەسىمىزدى قوسامىز», – دەدى Tjokers ۆاين كومانداسىنىڭ مۇشەسى جانسەرىك قادىرباەۆ.

جارىستىڭ اقتىق سىنى 25 جەلتوقساندا وتەدى. ۇزدىك ۆايندار كينوتەاتردىڭ ۇلكەن ەكرانىندا كورسەتىلەدى. قازىلار القاسى 10 نوميناتسيا بويىنشا جۇلدەگەرلەردى انىقتايدى. جەڭىمپاز كومانداعا سمارتفون تابىستالادى.

سوڭعى جاڭالىقتار