13 قاراشا, 10:56 333 0 جاھان انار لەپەسوۆا

ءپۋتيننىڭ ءباسپاسوز حاتشىسى نازارباەۆتىڭ ۇسىنىسىنا جاۋاپ بەردى

رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى دميتري پەسكوۆ نۇرسۇلتان نازارباەۆتىڭ ۋكراينا مەن رەسەي باسشىلارىن كەزدەستىرۋ تۋرالى ۇسىنىسىنا جاۋاپ بەردى. ونىڭ ايتۋىنشا، پۋتين  زەلەنسكيمەن كەزدەسۋدەن قاشپايدى، الايدا ونى جاقسىلاپ دايىنداۋ كەرەك. بۇل تۋرالى ريا نوۆوستي باسىلىمى جازدى.

پەسكوۆ كرەملدىڭ نازارباەۆقا ءداستۇرلى تۇردە العىس ايتاتىنىن جانە قازاقستاندىق سەرىكتەستەردىڭ ۇلەسىن جوعارى باعالايتىنىن، رەسەيلىك-ۋكرايندىق قارىم-قاتىناستى جاقسارتۋ ماقساتىندا نۇر-سۇلتاننىڭ اسەرىنە العىس ءبىلدىردى.

سونداي-اق، ول ءپۋتيننىڭ وسى جاعدايعا بايلانىستى قارىم-قاتىناستى قايتا قالپىنا كەلتىرۋ، ءبىر اعىنعا ءتۇسىرۋدى قولدايتىنىن ايتتى. الايدا بۇل ءۇشىن كيەۆ تاراپى دا ءوز ۇلەسىن قوسۋ كەرەك ەكەن.

ارينە، پۋتين مۇنداي كەزدەسۋلەردەن ەشقاشان باس تارتپايتىنىن ايتتى، دەگەنمەن ءجاي عانا كەزدەسۋدەن ەشتەڭە وزگەرمەيدى، وعان جاقسى دايىندىق كەرەك دەپ سانايدى. وسىعان بايلانىستى قازىرگى ۋاقىتتا ءبىز "نورماندتىق فورماتتى" پروتسەستەرىنە دايىندالىپ وتىرمىز. بۇل ءۇشىن، ارينە، تاراپتار مينسكىدە ءوز موينىنا العان بارلىق مىندەتتەمەلەردى ورىنداۋى ءتيىس، - دەدى جۋرناليستەرگە پەسكوۆ.

وسىعان دەيىن، قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەي مەن ۋكراينا باسشىلارى ۆلاديمير پۋتين مەن ۆلاديمير زەلەنسكيدىڭ قازاقستاندا كەلىسسوزدەر جۇرگىزۋدى ۇسىندى. نازارباەۆ ۋكراينا پرەزيدەنتىنىڭ كوزبە-كوز كەزدەسۋىنە كەلىسىمىن الىپ، رەسەي كوشباسشىسىنا ءوز ۇسىنىسىن حابارلادى.

سوڭعى جاڭالىقتار