12 قاراشا, 11:44 304 0 رۋحانيات انار لەپەسوۆا

قىزىلوردادا «تەكتى ءسوزدىڭ تورەسى — تەرمە» رەسپۋبليكالىق بايقاۋى ءوتتى

قىزىلوردادا  «تەكتى ءسوزدىڭ تورەسى — تەرمە» اتتى رەسپۋبليكالىق جىرشى-تەرمەشىلەر بايقاۋى ءوتتى. مادەنيەت جانە سپورت مينيسترلىگى ءتىل ساياساتى كوميتەتىنىڭ قولداۋىمەن «ايتىس اقىندارى مەن جىرشى، تەرمەشىلەردىڭ حالىقارالىق وداعى» رقب ۇيىمداستىرعان دودادا رەسپۋبليكانىڭ تۇكپىر-تۇكپىرىنەن كەلگەن 13 ۇمىتكەر باق سىنادى. 

 ىس-شارانى «ايتىس اقىندارى مەن جىرشى، تەرمەشىلەردىڭ حالىقارالىق وداعى» رقب باسقارما توراعاسى ج. ەرمان مەن قىزىلوردا وبلىستىق اكىمدىگى ىشكى ساياسات باسقارماسىنىڭ باسشىسى ت.ماقانوۆ ءسوز سويلەپ اشىپ بەردى.

قر حالىق ءارتىسى ق. بەكبوسىنوۆ توراعالىق ەتكەن قازىلار القاسىنىڭ قۇرامىندا مادەنيەت قايراتكەرى، جىرشى ە.شالدىبەكوۆ، «دارىن» مەملەكەتتىك جاستار سىيلىعىنىڭ، «قۇرمەت» وردەنىنىڭ يەگەرى، اقىن ب.شويبەكوۆ، مادەنيەت سالاسىنىڭ ۇزدىگى، ونەرتانۋشى ە.قاينازار، ەكى دۇركىن «التىن دومبىرا» يەگەرى م.نيازوۆ قازىلىق ەتتى.

"رۋحاني جاڭعىرۋ" باعدارلاماسى اياسىندا ۇيىمداستىرىلعان بايقاۋدىڭ قورىتىندىسى بويىنشا باس جۇلدە — ەلبول قۋانبەككە (الماتى وبلىسى) بۇيىردى. ءى ورىن ايدانا شىنبولاتقا (شىمكەنت), ەكى ءىى ورىندار مۇحامەدالى بەكپەيىسوۆ (قىزىلوردا) جانە تاڭنۇر البوسىنعا (كوكشەتاۋ) بۇيىردى. ءىىى ورىنعا گۇلباعىم قايىرجانوۆا (الماتى) مەن سالتانات قيساتوۆاعا (پاۆلودار) تيەسىلى بولدى.

جۇلدەگەرلەر مەن قاتىسۋشىلار مادەنيەت جانە سپورت مينيسترلىگىنىڭ ديپلومىمەن جانە قارجىلاي سىيلىقتارمەن ماراپاتتالدى.

سوڭعى جاڭالىقتار