12 قاراشا, 10:55 323 0 ايماق انار لەپەسوۆا

بالقاشتا مەكتەپ تۇلەكتەرى ساكەن سەيفۋلليننىڭ ءمۇسىنىن جاڭارتتى

بالقاشتا ساكەن سەيفۋللين اتىنداعى مەكتەپ-ليتسەيدىڭ الدىندا 25 جىل بۇرىن ورناتىلعان جازۋشىنىڭ ءمۇسىنى جاڭارتىلدى، دەپ حابارلادى قاراعاندى وبلىسى اكىمدىگىنىڭ ءباسپاسوز قىزمەتى.

بۇل ءىستى وقۋ ورنىنىڭ تۇلەكتەرى جۇزەگە اسىرعان. وسىلايشا ولار "رۋحاني جاڭعىرۋ" باعدارلاماسىن جۇزەگە اسىرۋعا ۇلەستەرىن قوسىپ، تانىمال مەملەكەت قايراتكەرى، اقىن، جازۋشىنىڭ 125 جىلدىعىن اتاپ وتۋگە اتسالىسقان. مۇسىن كومپوزيتسياسى قايتا قالپىنا كەلتىرىلدى. ەسكەرتكىشكە ساكەن سەيفۋلليننىڭ سوزدەرى جازىلعان مەموريالدىق تاقتا ورناتىلدى، - دەلىنگەن حابارلامادا.

جاڭارتىلعان ءمۇسىننىڭ اشىلۋىنا ەكولوگيالىق اكتسيا سەبەپ بولدى. مەكتەپ اۋماعىندا تۇلەكتەر مەن اتا-انالار 125 جاڭا اعاش وتىرعىزدى.

اشىلۋ راسىمىنە قالا باسشىلىعى، جۇرتشىلىق جينالدى، جازۋشىنىڭ ۇرپاقتارى كەلدى. قوناقتار ساكەن سەيفۋلليننىڭ ءومىرى مەن شىعارماشىلىعى تۋرالى ماتەريالدار جيناقتالعان مەكتەپ مۇراجايىنىڭ ەكسپوزيتسياسىن تاماشالادى.

سوڭعى جاڭالىقتار