12 قاراشا, 10:15 310 0 قاۋىپسىزدىك انار لەپەسوۆا

ۇلكەن الماتى شىڭىن باعىندىرۋعا شىققان تۋريست قىز جوعالىپ كەتتى

ءىىم توتەنشە جاعدايلار كوميتەتى رەسپۋبليكالىق جەدەل-قۇتقارۋ جاساعىنىنىڭ جەكە قۇرامى ەكى كۇن بويى الماتى قالاسىنىڭ ماڭىندا جوعالعان تۋريست قىزدى ىزدەستىرۋدە، دەپ حابارلايدى ۆەدومستۆونىڭ ءباسپاسوز قىزمەتى. 

ۆەدومستۆونىڭ مالىمەتىنشە، جەدەل-قۇتقارۋ جاساعى تۋريست قىزدىڭ جوعالعانى تۋرالى 10 قاراشا كۇنى تۇندە بىلگەن.

قىزدىڭ تۋىستارى ونىڭ سوڭعى كەزدەرى تاۋ تۋريزمىمەن بەلسەندى اينالىسىپ جۇرگەنىن جەتكىزدى. بەلگىلى بولعانداي، ول 9 قاراشادا ۇلكەن الماتى شىڭىن باعىندىرۋعا شىققان. كەيىنىرەك ول الەۋمەتتىك جەلىدەگى پاراقشاسىنا شىڭنان تۇسىرىلگەن بەينەروليك جاريالاعان. سودان كەيىن بايلانىسقا شىقپاعان.

ىزدەۋ جۇمىستارى اۋا رايى جاعدايىنا بايلانىستى قيىنداي تۇسكەن. 11 قاراشا كۇنى تاڭەرتەڭ ىزدەستىرۋ اۋماعىن كەڭەيتۋ ءۇشىن قوسىمشا كۇش شاقىرتۋعا شەشىم قابىلداندى.

وسىلايشا، قۇتقارۋشىلار ەكى توپقا ءبولىندى. ءبىرىنشىسى وتكەل ارقىلى ۇلكەن الماتى شىڭىنا قاراي جاياۋ بارادى. شىڭعا تۋرا جولمەن بارۋ قار كوشكىنى بولۋ قاۋپىنە بايلانىستى مۇمكىن بولماي وتىر. ەكىنشى توپ "پروحودنوە" شاتقالى ارقىلى ءوتىپ، جاقىن ماڭداعى اۋدانداردى تەكسەرىپ شىعادى.

سوڭعى جاڭالىقتار