12 قاراشا, 10:06 288 0 زاڭ انار لەپەسوۆا

الماتىدا جىل باسىنان بەرى 410 قالتا ۇرىسى ۇستالدى

زاڭسىز ۇيالى تەلەفون ساتۋدان كوشە ساۋداسى ءالى دە قىزىپ تۇر. كوك بازار اۋماعىن تورۋىلداپ جۇرگەن ساتىپ الۋشىلار تەلەفوننىڭ، ءتىپتى ءسىزدىڭ دە قۇجاتىڭىزدى سۇرامايدى. ايتۋلارىنشا بۇعاتقا تۇسكەن قۇرىلعىنى اشۋ ولار ءۇشىن ەش قيىندىق تۋدىرمايتىن كورىنەدى. ال، تۇرعىندار ۇرلانعان قالتا تەلەفوندارىنىڭ كوبى وسىنداي جەردە ساۋدالانۋى مۇمكىن دەيدى. بۇل تۋرالى "الماتى" ارناسى حابارلادى.

«جالپى ۇيالى تەلەفون ساتىپ العاندا جەكە كۋالىگىن تالاپ ەتۋ كەرەك شىعار. قوراپسىز ساتىپ الساڭدا قاۋىپسىزدىكتى ويلاۋ كەرەك. جالپى، قولدى بولعان بايلانىس قۇرالدارى وسىنداي ورىنداردا ساتىلاتىن شىعار»، - دەدى تۇرعىنداردىڭ ءبىرى.

«ءيا، كۇندە وتكەندە «تەلەفون ساتاسىز با؟» دەپ سۇراپ تۇرادى وسىنداعىلار», - دەدى كەلەسى ءبىر تۇرعىن.

بيىل الماتى قالاسى بويىنشا وزگەنىڭ مۇلكىن ۇرلاۋ فاكتىسىمەن 90-عا جۋىق قىلمىستىق ءىس قوزعالىپتى. نەگىزىنەن تۇرعىنداردان ۇيالى تەلەفونىن ۇرلاتىپ العانى جونىندە ارىز-شاعىم كوپ تۇسەدى دەيدى پوليتسيا وكىلدەرى.

«جىل باسىنان بەرى ۇيالى تەلەفونداردى قولدى ەتكەن 410 قالتا ۇرىلارى ۇستالدى. ولار كوبىنەسە قوعامدىق ورىنداردا جانە كولىكتەردە ارام ويىن جۇزەگە اسىرادى. ءبىز جىل باسىنان بەرى 40 ارنايى وپەراتسيا ۇيىمداستىردىق. ونىڭ ىشىندە تەلەفون ساتاتىن ساۋدا دۇكەندەرى دە بار», - دەدى الماتى قالاسى پد رەسمي وكىلى سالتانات ازىربەك.

سوڭعى جاڭالىقتار