11 قاراشا, 10:08 361 0 الەۋمەت انار لەپەسوۆا

ەلوردانىڭ سول جاعالاۋىنداعى عيماراتتار جارىقپەن تولىق قامتىلدى

ەلورداداعى اۆاريالىق-قالپىنا كەلتىرۋ جۇمىستارىن جۇرگىزۋ ورنىنا قالا  اكىمى التاي كولگىنوۆ شىقتى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

بارلىق 9 كوپپاتەرلى تۇرعىن ءۇي كەشەنى، سونداي-اق اقوردا، پارلامەنت سەناتى، ءماجىلىس، مينيسترلىكتەر ءۇيى، ۇكىمەت ءۇيى، جوعارعى سوت - ەلەكترمەن جابدىقتالدى. سونىمەن قاتار، 9 كوپپاتەرلى تۇرعىن ءۇيدىڭ 9-ى جارىقپەن قامتىلدى: "ۋيۋت" ، "كراۋن پلازا", "تۇمار" (2 ءۇي), "ارت حاۋس" ، "ۆيۆا پلازا" ، "الاتاۋ", "ۆودنو-زەلەنىي بۋلۆار".

"بايتەرەك" مونۋمەنتىن، "يزۋمرۋدنىي كۆارتال" بيزنەس ورتالىعىن، "كەرۋەن" ، ۇلتتىق كىتاپحانا مەن ۇلتتىق مۇراعات عيماراتتارىن جارىققا قوسۋ بويىنشا جۇمىستار جۇرگىزىلۋدە، - دەلىنگەن حابارلامادا.

كابەلدىك جەلىلەردى 15 ادامنان تۇراتىن اۆاريالىق-قالپىنا كەلتىرۋ بريگاداسى مەن  6 ارنايى تەحنيكا قالپىنا كەلتىردى. عيماراتتاردى ەلەكترمەن جابدىقتاۋ ءورت ءسوندىرۋ بريگادالارىنا رۇقسات بەرۋ كەزىندە ەلەكتر توعىمەن زاقىمدانۋدان قاۋىپسىزدىك ماقساتىندا اجىراتىلدى.

اۆاريالىق-قالپىنا كەلتىرۋ جۇمىستارىن جۇرگىزۋ ورنىنا ەلوردا اكىمى التاي كولگىنوۆ شىقتى. قالا اكىمى اپات سەبەبىن انىقتاۋدى تاپسىردى.

سوڭعى جاڭالىقتار