9 قاراشا, 12:05 184 0 دەنساۋلىق انار لەپەسوۆا

كوكشەتاۋدا مەكتەپتى جايلاعان بەلگىسىز دەرتتەن 80 بالا مۇرتتاي ۇشتى

كوكشەتاۋدا ءبىر كۇندە 80 بالا اۋىرىپ مۇرتتاي ۇشتى. قالا ورتالىعىنداعى №2 مەكتەپتە 260 وقۋشى ساباققا كەلمەي قالدى. كەشەدەن بەرى اياعىنان تىك تۇرعان دارىگەرلەر ءۇي-ءۇيدى ارالاپ، مەكتەپتەگى بالالاردى دا باستان-اياق تەكسەرۋگە كىرىسكەن. ولاردىڭ بارلىعى جۇرەگى اينىپ السىرەپتى، دەپ حابارلايدى "كتك" ارناسى. 

№2 مەكتەپ – قالا ورتالىعىنداعى 2200-گە جۋىق وقۋشىسى بار ەڭ ۇلكەن مەكتەپ. ءبىر ساتتە 80 وقۋشى اۋىرىپ قالعاندا مەكتەپ باسشىلىعى دابىل قاعا باستاعان. سانيتار ماماندار مەكتەپ اسحاناسىنان قاجەتتى سىنامالار الىپتى.

"بۇگىن 260 وقۋشى مەكتەپكە كەلمەي قالدى. كوبىن اتا-انالارى قاۋىپتەنىپ جىبەرمەي قالعان. سولاي دەپ مەكتەپكە حابارلاستى. بۇل جاعدايدىڭ نەدەن بولعانىن ايتا المايمىز. اسحانادا ۋلانۋى مۇمكىن ەمەس. بارلىق بالالار تاماق ءىشىپ ءجۇر عوي. قاجەتتى تەكسەرۋ جۇمىسىن ۇيىمداستىرىپ جاتىرمىز", - دەيدى مەكتەپ ديرەكتورى گۇلنار ابدىقاسىموۆا.

وقۋشىلارمەن بىرگە ەكى مۇعالىم دە ناۋقاستانىپ قالعان. ءىشى اۋىرىپ، قۇسىپ، باسى اينالىپ مەكتەپكە كەلە الماعانداردى دارىگەرلەر قاراپ جاتىر. ساباق ۇستىندە دە بالالاردىڭ دەنساۋلىعىن تەكسەرۋدە.

ءبىلىم وشاعىن دۇرلىكتىرگەن دەرتتىڭ سەبەپ سالدارىن سانيتار ماماندار انىقتاپ جاتىر. اسحاناداعى تاعامنان سىنامالار الىپ، بالالار اناليز تاپسىرۋعا جىبەرىلگەن. سوندىقتان ءدال قازىر دياگنوزدى ءدوپ باسىپ ايتۋ قيىن دەيدى ماماندار. ۆيرۋستىق ينفەكتسيا ما، الدە ۋلانۋ ما، ول ەندى ساراپتاما قورىتىندىسىنان كەيىن بەلگىلى بولادى.

سوڭعى جاڭالىقتار