8 قاراشا, 16:04 259 0 تۇلعا انار لەپەسوۆا

مارات وسپانوۆتى ەسكە الۋ كەشى ءوتتى

اباي اتىنداعى وپەرا جانە بالەت تەاترىندا مەملەكەت جانە قوعام قايراتكەرى مارات وسپانوۆتىڭ 70 جىلدىعىنا ارنالعان ەسكە الۋ كەشى ءوتتى، دەپ حابارلايدى قالالىق اكىمدىكتىڭ ءباسپاسوز قىزمەتى. 

مارات تۇردىبەكۇلى قازاقستان رەسپۋبليكاسى پارلامەنت ءماجىلىسىنىڭ تۇڭعىش توراعاسى بولدى. ول «تۇراقتىلىقتان وسۋگە» اتتى ەكونوميكالىق باعدارلامانى جازدى، العاشقى سالىق كودەكسىن، قازاقستاننىڭ  تاۋەلسىزدىگى تۋرالى دەكلاراتسيانى ازىرلەۋگە قاتىستى.

الماتى قالاسىنىڭ اكىمى باقىتجان ساعىنتاەۆ قۇتتىقتاۋ ءسوز سويلەپ، مارات تۇردىبەكۇلىنىڭ ايرىقشا ساياسي كورەگەندىگىن اتاپ ءوتتى.

«قازاقستان رەسپۋبليكاسى پارلامەنتى ماجىلىسىنە العاشقى توراعالىق ەتكەن كەزىندە مارات تۇردىبەكۇلى تەرەڭ ءبىلىمىن كورسەتتى. سول ءبىر اۋىر كەزدە ەلىمىزدىڭ ساۋلەتتى بولاشاعى ءۇشىن جاڭا زاڭدار قابىلداۋ وتە ماڭىزدى ەدى. مارات تۇردىبەكۇلى ومىرشەڭ زاڭداردىڭ قابىلدانۋىنا تىكەلەي جاۋاپ بەردى جانە ولاردى دەر كەزىندە جۇزەگە اسىرا ءبىلدى», — دەدى الماتى اكىمى ب. ساعىنتاەۆ.

اباي اتىنداعى وپەرا جانە بالەت تەاترىنىڭ ساحناسىندا №4 سوقىرلار مەن ناشار كورەتىن بالالار مەكتەپ-ينتەرناتىنىڭ حالىق اسپاپتارى وركەسترى سەرىك ءنۇرتازيننىڭ ديريجەرلىك ەتۋىمەن «ورلەۋ» كۇيىن ورىندادى. №4 سوقىرلار مەن ناشار كورەتىن بالالار مەكتەپ-ينتەرناتىنىڭ تۇلەگى ەرحات تاجىباەۆ «دۋداراي» ءانىن ورىندادى.

ءى have nothing (Whitney Houston) ءانىن «قازاقستان داۋىسى» جوباسىنىڭ جەڭىمپازدارى دىنمۇحامەد داۋلەتوۆ جانە الەنا كوگاي ايتتى، اباي اتىنداعى وپەرا جانە بالەت تەاترىنىنىڭ  ارتيستەرى جانە باسقالار ونەر كورسەتتى.

سوڭعى جاڭالىقتار