8 قاراشا, 10:02 298 0 ساياسات انار لەپەسوۆا

فاتيما جاقىپوۆا قىزمەتىنەن بوساتىلدى

ءبىلىم ۆيتسە-ءمينيسترى  فاتيما جاقىپوۆانىڭ قىزمەتىنەن بوساتىلدى. بۇل تۋرالى ۆەدومستۆو باسشىسىنىڭ كەڭەسشىسى ەربولات مۇحامەدجان ءوزىنىڭ Facebook-تەگى پاراقشاسىندا جازعان.

ء"بىلىم جانە عىلىم ۆيتسە-ءمينيسترى جاقىپوۆا باسقا قىزمەتكە اۋىسۋىنا بايلانىستى قىزمەتىنەن بوساتىلدى. قازىرگى ۋاقىتتا وسى لاۋازىمدى تۇلعا باسقا جۇمىسقا اۋىسۋىنا بايلانىستى زاڭناماعا سايكەس اتقارىپ وتىرعان قىزمەتىنەن بوساتۋ بويىنشا كەلىسۋ ءراسىمى جۇرگىزىلۋدە", - دەپ جازدى ول.

ەسكە سالا كەتسەك، 7 قاراشا كۇنى سەنات دەپۋتاتى ەدىل مامىتبەكوۆ پلاگيات داۋىنا بايلانىستى  بىلىم جانە عىلىم ۆيتسە-ءمينيسترى فاتيما جاقىپوۆانى وتستاۆكاعا جىبەرۋدى تالاپ ەتكەن بولاتىن.

سەناتور ءبىر ايدان استام ۋاقىت بويى وتاندىق باق پەن شەتەلدىك ۇيىمدار قازاقستاندىق ۆيتسە-ءمينيستردىڭ پلاگياتىن تالقىلاپ جاتقانىن العا تارتتى. ونىڭ ايتۋىنشا، قازىر الەمدە مويىندالعان ەكى انتيپلاگياتتىق جۇيە باسقا بىرەۋدىڭ عىلىمي جۇمىسىن پايدالانۋ فاكتىسىن راستاپ وتىر.

مامىتبەكوۆ ۇكىمەت باسشىسى اسقار مامينگە جولداعان دەپۋتاتتىق ساۋالىندا عىلىمي قوعام مەن جوعارى ءبىلىم جۇيەسىن وزگە ەلدەر الدىندا قازاقستاننىڭ بەدەلىن تۇسىرگەن لاۋازىمدى تۇلعانىڭ ماسقاراسىنان قۇتقارۋدى تالاپ ەتتى.

سوڭعى جاڭالىقتار