7 قاراشا, 12:01 265 0 رۋحانيات انار لەپەسوۆا

قۇندىلىق قۇنى تومەندەمەيدى

«ەلباسى جانە تۇلەگەن تۇركىستان». قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇت قاسىمبەكوۆتىڭ وسى تاقىرىپپەن «ەگەمەن قازاقستان» گازەتىندە جاريالانعان ماقالاسى ءوزىمنىڭ پارلامەنتتەگى قىزمەتىمنىڭ مازمۇندى تۇستارىن ەسىمە تۇسىرگەندەي بولدى.

ءيا، ماقالادا اتاپ كورسەتىلگەندەي، تۇركى الەمىنىڭ تال بەسىگى – تۇركىستاندى قايتا تۇلەتۋ يدەياسىن العاش بولىپ تۇڭعىش پرەزيدەنتىمىز نۇرسۇلتان نازارباەۆ كوتەرگەنىن ءبىز جاقسى بىلەمىز. ءوزىمنىڭ تۋىپ-وسكەن توپىراعىم تۇركىستان ءوڭىرى بولعاندىقتان وسى باستامانى ەلباسى ءبىرىنشى بوپ كوتەرگەندە قاتتى قۋاندىم. ويتكەنى كونەدەن قالعان «كوزى ءتىرى» جالعىز شاھار تۇركىستان قايتا تۇلەيتىن كەز قاشان بولادى دەپ بۇرىننان ارمانداپ جۇرەتىنبىز. ەلباسىمىزدىڭ بۇل يدەياسى ءۇشىنشى مىڭجىلدىقتىڭ باسىندا تويلانعان، تۇركىستاننىڭ 1500 جىلدىعىنا ارنالعان عىلىمي كونفەرەنتسيادا جان-جاقتى باياندالدى. اتالمىش ماقالادا اۆتور "ەلدىكتىڭ التىن تۇعىرى" سانالاتىن كيەلى شاھاردىڭ وتكەن-كەتكەن تاريحىنا ساياسي سيپاتتاما بەرە كەلە دۇنيەجۇزى قازاقتارىنىڭ ەكىنشى قۇرىلتايىنا جينالعان قوناقتاردىڭ تۇركىستانعا بەرگەن باعاسى مەن باتاسى تۋرالى ادەمى ويىن ادىپتەي جەتكىزىپتى.

«ىزگى مۇراتتار ءىلىمى» مەن «كيەلى شاھار كەلەشەگى» دەپ اتالاتىن بولىمدە رۋحاني استانامىزدىڭ بولاشاق كەلبەتى، ءىلىمى مەن ءبىلىمىنىڭ قانداي بولارى جان-جاقتى باياندالعان ەكەن. ماقالا بۇگىنگى جاستارعا ۇلكەن وي سالاتىنداي عيبرات ۇسىنىپ وتىر. مۇنىڭ بارلىعى ەلباسى ەڭبەگى ارقىلى ءورىلىپ، وركەندى ەلگە قۇلاش سەرمەيتىن تاريحي قۇندىلىق بولىپ قالارى داۋسىز.

                                                                   شالاتاي مىرزاحمەتوۆ،

مەملەكەت جانە قوعام قايراتكەرى.

سوڭعى جاڭالىقتار