7 قاراشا, 11:59 306 0 رۋحانيات انار لەپەسوۆا

"قۋانا بىلگەنگە قۇت قونادى..."

قر تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇت قاسىمبەكوۆتىڭ «ەلباسى جانە تۇلەگەن تۇركىستان» اتتى ماقالاسى ەرىكسىز قولعا قالام العىزدى. ال، ماحمۇت قاسىمبەكوۆ ەلباسىتانۋعا ۇلكەن ۇلەس قوسىپ جۇرگەن، بىرنەشە كىتاپ جازعان ادام. بۇل ماقالاسىندا دا ەلباسىنىڭ تۇركىستانعا سىڭىرگەن ەڭبەگى تاماشا تالدانىپتى. كەشە نۇرسۇلتان ءابىشۇلى كيەلى شاھاردى ارالاپ، قۇرىلىسپەن تانىسقانىندا قاسىندا بولدىم. ول كىسى تۇركىستانعا بۇرىننان نازار اۋدارىپ كەلە جاتقانىن، ءتىپتى تۇركىستاندى ەل استاناسى ەتپەك بولعانىن ايتتى. بىراق سول كەزدەگى ساياسي جاعداي باسقاشا بولىپ، بۇل ويىن جۇزەگە اسىرۋىنا مۇمكىندىك بولماعانىن مالىمدەدى. «تۇركىستان تۇركى دۇنيەسىنىڭ مادەني استاناسى رەتىندە كوركەيەدى. وبلىس ورتالىعى اتانعان شاھاردىڭ ەكىجىلدىق مەرەكەسىندە كوپتەگەن كورىكتى، ساۋلەتتى عيماراتتار پايدالانۋعا بەرىلەدى. وزدەرىڭىزبەن بىرگە سول ءساتتى دە بىرگە تويلايمىز» – دەدى ەلباسى.

  تۇركىستاننىڭ بۇگىنگى تاڭدا كەرەمەت گۇلدەنىپ، كوركەيۋى ەلباسىنىڭ  «رۋحاني جاڭعىرۋ» باعدارلاماسىنىڭ ەڭ ۇلكەن جەمىسى، جەڭىسى دەسەك بولادى. سوندىقتان تۇركىستانعا ەكى اپتا بارماي قالسام تانىماي قالامىن. تۇرىن ءۇي كەشەندەرى، عاجاپ عيماراتتار جارقىراپ تۇر. ءبىر جىل ءۇش ايدىڭ ىشىندە شاھار كەرەمەت دامىعان. بىرلىك، ىنتىماق بولسا ءبارى دە بولاتىنىنا كوز جەتتى. بۇل ورايدا ومىرزاق ەستايۇلىنىڭ اكىم بولىپ تاعايىندالۋى ۇلكەن ءرول اتقارىپ تۇر. ەلباسىنىڭ وبلىس تىزگىنىن وسى كىسىگە سەنىپ تاپسىرۋى ۇلكەن كورەگەندىك، تاپقىرلىق، بىلگىرلىك دەپ ەسەپتەيمىن. ءابىش كەكىلباەۆتىڭ «قۋانا بىلگەنگە قۇت قونادى، باعالاي بىلگەنگە باق قونادى» دەگەن عيبراتتى ءسوزى بار. ەلباسى باستاپ، وبلىس اكىمى قوستاپ، بارلىق  باسشىلاردىڭ، حالىقتىڭ ىستەپ جاتقان ىسىنە قۋانا ءبىلۋىمىز كەرەك.

مارحابات بايعۇت،

جازۋشى-دراماتۋرگ، حالىقارالىق «الاش» ادەبي سىيلىعىنىڭ،

«قۇرمەت»، «پاراسات» وردەندەرىنىڭ يەگەرى

سوڭعى جاڭالىقتار