7 قاراشا, 11:53 249 0 ايماق Túrkistan Gazeti

تۇركىستاندى تانىتاتىن تاعى ءبىر تۋىندى

قر تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇت قاسىمبەكوۆ «ەگەمەن قازاقستان» گازەتىندە «ەلباسى جانە تۇلەگەن تۇركىستان» اتتى تاقىرىپتا جاريالاعان ماقالاسىندا تاۋەلسىزدىك العان جىلداردان كەيىن ەلباسى نۇرسۇلتان ءابىشۇلىنىڭ تۇركىستاندى تۇلەتۋگە ەرەكشە دەن قويعانىن ايتادى. سونىڭ ءبىر ايعاعى رەتىندە – ق. ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ اشىلۋىن كەلتىرەدى. تۇڭعىش پرەزيدەنتىمىز سول كەزدە اتالمىش وقۋ ورنىنا «تۇركىستاندى وركەنيەت بيىگىنە كوتەرەدى» دەپ سەنىم بىلدىرگەن-ءدى. بۇگىندە وقۋ ورنى قالاشىعى اۋماعىنىڭ ۇلعايا باستاعانىنىڭ ءوزى بۇل ويىنىڭ اينىماستاي ورىندالىپ كەلە جاتقانىن اڭعارتسا كەرەك.

  بۇگىنگى تۇركىستان، بۇرىڭعى تۇركىستان ەمەس. جاڭارىپ، جاسارعان. تۇڭعىش پرەزيدەنتىمىزدىڭ «كونە تۇركىستان جاڭا قازاقستاننىڭ شىرايلى شاھارىنا اينالادى» دەپ تاسقا قاشاپ جازدىرعان ءسوزى اقيقاتقا اينالىپ كەلەدى. بۇگىندە قالاعا كىرە بەرگەننەن-اق قۇرىلىستىڭ قارقىنىن بايقاۋ قيىن ەمەس. بۇل الداعى ۇلكەن ىستەردىڭ باستاۋى عانا. كەزەگىن كۇتكەن ءالى تالاي جوبالار بارشىلىق. مۇنى اۆتور بىلاي كەلتىرگەن: «عۇلاما عاسىرلاردىڭ تەرە­ڭىنەن تامىر تارتقان تۇركىستان ءاربىر اتقان كۇننەن ءۇمىت كۇتىپ، ءار تاڭدى جاڭا جوسپارلارمەن قارسى الادى. ونىڭ كەلەشەگى كەمەل، ەرتەڭى ەڭسەلى بولاتىنى­نا ءبىز كامىل سەنەمىز، ويتكەنى قاس­تەرلى قالانى جارقىن بولا­شاققا باستاعان بۇگىنگى ۇلان­عايىر وزگەرىستەردىڭ باسىندا تاۋەلسىز ەلىمىزدىڭ تۇڭعىش پرە­زي­دەنتى – ەلباسى نۇرسۇلتان ءابىش­ۇلى نازارباەۆتىڭ ءوزى تۇر».

جالپى تۇركىستاننىڭ ءوسىپ-وركەندەۋى تەك قازاق­ستاننىڭ بەدەلىن بيىكتەتىپ،  الەم الدىنداعى ابىرويىن اسقاقتاتىپ قانا قويماي، كۇللى تۇركى دۇنيەسىنىڭ مارتەبەسىن كوتەرە تۇسەرى ءسوزسىز.

ەشقاشان ءسوزى مەن ءىسى الشاق بولىپ كورمەگەن نۇرسۇلتان ءابىشۇلىنىڭ مۇرىن­دىق بولۋى­مەن ءار جىلدارى تۇركىس­تان شاھارىنا باۋىرلاس تۇركيا ەلىنىڭ باسشىلارى تۇر­عىت ءوزال، سۇلەيمەن دەميرەل، احمەت سەزەر، ابدۋللا گۇل، رەجەپ ەردوعان ارنايى كەلىپ، ياساۋي مازارىنىڭ باسىندا دۇعا وقىدى. بۇل – ولاردىڭ تۇركىنىڭ قاراشاڭىراعىن ۇستاپ قالعان قازاق توپىراعىنا دەگەن رياسىز كوڭىلدىڭ، شەكسىز قۇرمەتتىڭ بەلگىسى بولسا كەرەك.

جەڭىسبەك ماۋلەنقۇلوۆ،

تۇركىستان وبلىستىق ارداگەرلەر كەڭەسىنىڭ توراعاسى

سوڭعى جاڭالىقتار