5 قاراشا, 12:52 300 0 زاڭ انار لەپەسوۆا

سقو-دا مەديتسينالىق كوللەدج ديرەكتورى سوتتالدى

سولتۇستىك قازاقستان مەديتسينالىق كوللەدجىنىڭ ديرەكتورى سىبايلاس جەمقورلىق قىلمىس جاساعانى ءۇشىن سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى.

سولتۇستىك قازاقستان وبلىسىنىڭ سىبايلاس جەمقورلىققا قارسى قىزمەتى "سولتۇستىك قازاقستان مەديتسينالىق كوللەدجى" شجق كمك ديرەكتورى م.ب. احمەتوۆاعا قاتىستى پارا بەردى دەگەن كۇدىك بويىنشا سوتقا دەيىنگى تەرگەۋدى اياقتادى.

ول سقو تجد قىزمەتكەرىنە انىقتالعان ورتكە قارسى قاۋىپسىزدىك ەرەجەلەرىن بۇزعانىنا اكىمشىلىك جاۋاپكەرشىلىككە تارتپاۋى ءۇشىن كوللەدج فارماتسەۆتى م.ت.ابدىكارىموۆانىڭ دەلدال بولۋى ارقىلى 50 مىڭ تەڭگە سوماسىندا پارا بەردى دەگەن كۇدىككە ءىلىندى. بيىل 1 قاراشادا پەتروپاۆل قالالىق سوتىنىڭ ۇكىمىمەن احمەتوۆا م.ب. پارا بەرگەنى، ال ابدىكارىموۆا م.ت. پارا بەرۋدە دەلدالدىق جاساعانى ءۇشىن كىنالى دەپ تانىلدى، - دەلىنگەن حابارلامادا.

سوتتالعاندارعا 500 مىڭ تەڭگە جانە 250 مىڭ تەڭگە كولەمىندە ايىپپۇل تۇرىندەگى جازا تاعايىندالدى، سونداي-اق مەملەكەتتىك قىزمەتتە لاۋازىمدى قىزمەتپەن اينالىسۋ قۇقىعىنان ءومىر بويىنا ايىرىلدى.

سوڭعى جاڭالىقتار