5 قاراشا, 10:26 314 0 ايماق انار لەپەسوۆا

جالاقىسىن الا الماعان جامبىلدىق جۇمىسشىلار مۇنارادان سەكىرمەك بولدى

جامبىل وبلىسىندا ەڭبەكاقىسىن الا الماعان جۇمىسشىلار سۋ مۇناراسىنىڭ ۇشار باسىنا شىعىپ الىپ، باس مەردىگەردەن جالاقىلارىن تالاپ ەتكەن. ەگەر تالابى ورىندالماعان جاعدايدا بيىكتەن قۇلايتىنىن ايتقان،  دەپ حابارلايدى كتك ارناسى. 

باس-اياعى بەس ادام 2 ملن 180 مىڭعا تاپسىرىس العان. ولار تروتۋار توسەپ بەرۋى ءتيىس بولعان. الايدا جۇمىستىڭ اياقتالۋىنا جاقىن قالعاندا باس مەردىگەر جۇمىسقا كوڭىلى تولمايتىنىن ايتىپ، ءبارىن بۇزعىزىپ، قايتا ىستەۋدى تاپسىرىپتى.

اشۋعا بۋلىققان جۇمىسشىلار كاسىپكەردەن وسىعان دەيىن ەتكەن ەڭبەكتىڭ اقىسىن بەرۋدى تالاپ ەتەدى. مەردىگەر وعان كونبەگەن. امالى تاۋسىلاعان بەس ادامنىڭ ەكەۋى بيىك سۋ مۇناراسىنا شىعىپ العىپ، تالاپتارى ورىندالماسا وزدەرىن ولىمگە قياتىنىن ايتقان.

ال بيىككە شىعىپ العان ەكەۋدى ەشكىم تومەن تۇسىرە الماي اۋرەگە تۇسكەن.

اراداعى جەتى ساعاتتىق كەلىسسوزدەن كەيىن باس مەردىگەر ماڭداي تەر اقىسىنىڭ ءبىر بولىگىن بەرۋگە كەلىسكەن. ياعني، سۇرالعان 1 ملن 300 مىڭ تەڭگەنىڭ 800 مىڭ تەڭگەسى قولما-قول قايتارىلدى. سودان كەيىن شۋ كوتەرگەندەر جەرگە تۇسكەن.

بۇعان قاتىستى پىكىر بىلدىرگەن كاسىپكەر جۇمىسشىلاردىڭ بۇل ارەكەتىن "بوپسالاۋ" دەپ وتىر. ونىڭ سوزىنشە، ولار ساپاسىز قۇرىلىس جۇرگىزگەن.

«زاڭسىز الىپ تۇر، بۇل بوپسالاۋ بولىپ تۇر. بىزگە ءالى اكتى كەلگەن جوق. ىستەلگەن جۇمىستارىنا ەندى الىپ كەلەدى. اكتى بولماعاندىقتان، ءبىز اقشانى تولەي المايمىز. بۇلاردىڭ ىستەگەن جۇمىسى بار، بىراق دۇرىس ەمەس. سوندىقتان تەحقاداعالاۋ قابىلداماي، بۇزىپ تاستادى»، – دەيدى باس مەردىگەر جۇماعۇل بايمەنوۆ.

سوڭعى جاڭالىقتار