4 قاراشا, 21:31 325 0 ايماق انار لەپەسوۆا

مانشۇك مامەتوۆانىڭ سەمەي ساياباعىنداعى اعاش ءمۇسىنى جويىلدى

كوپشىلىكتىڭ سىنىنا ۇشىراپ، اشۋىن تۋدىرعان مانشۇك مامەتوۆانىڭ اعاش ءمۇسىنى سەمەيدەگى "جەڭىس" ساياباعىنان الىنىپ تاستالدى.

كەڭەس وداعىنىڭ باتىرى مانشۇك مامەتوۆانىڭ ءمۇسىنى اعاشتان ويىپ جاسالىپ، قالاداعى ساياباققا قويىلعان ەدى. الايدا بۇل تۋىندى الەۋمەتتىك جەلىدە قىزۋ تالقىعا ءتۇستى. جۇرت ءمۇسىننىڭ مانشۇك مامەتوۆاعا مۇلدەم ۇقسامايتىنىن ايتىپ، الىپ تاستاۋدى تالاپ ەتتى.

"تالانتتى سۋرەتشىلەرىمىز بار ەمەس پە؟ ولار قايدا؟ بۇل جوبالاردى كىم بەكىتەدى؟ دەڭگەيلەرى تومەن ەكەن", - دەپ جازدى جەلى قولدانۋشىلارى.

اعاش شەبەرلەرى ءمۇسىندى جاساۋعا التى كۇن كەتكەنىن ايتادى. حالىقتىڭ سىنىنا ۇشىراعان ءمۇسىننىڭ اۆتورى يۋليا كۋرتۋنوۆا مەن ونىڭ كۇيەۋى يۆان.

ء"بىزدى ادامدار اقشا قار مەن مىستان كەمپىردى جاساپ جاتىر دەپ ويلايدى. بىراق ءبىز مانشۇك مامەتوۆانى جاساۋدامىز. ول – كەڭەس وداعى باتىرى اتاعىن العاشقى بولىپ العان قازاق قىزى. مەنىڭ ويىمشا، ونىڭ ەسكەرتكىشى وسى جەردە بولۋى ءتيىس", - دەيدى كۋرتۋنوۆا Arnapress.kz باسىلىمىنا بەرگەن سۇقباتىندا.

سەمەي قالاسىنىڭ اكىمدىگى حالىقتىڭ سىنىنا ۇشىراعان ءمۇسىندى باسقا جەرگە كوشىرمەك بولدى. بىراق ونى مۇلدەم جويۋ كەرەك دەگەن شەشىم قابىلداعان. كوپشىلىكتىڭ اشۋىن تۋدىرعان سكۋلپتۋرانىڭ 3 قاراشادا جويىلدى.

قالا بيلىگى ءمۇسىندى جاساعان شەبەرلەرمەن بايلانىستى ءۇزۋدى جوسپارلاپ وتىرعان جوق.

 

سوڭعى جاڭالىقتار