4 قاراشا, 21:22 330 0 سىرتقى ساياسات انار لەپەسوۆا

يراكتاعى قازاق بالالالارى ەلگە قاشان جەتكىزىلەدى؟

يراكتاعى قازاق بالالارى وسى ايدىڭ ىشىندە قازاقستانعا قايتارىلادى. بۇل تۋرالى قر ءسىم رەسمي وكىلى ايبەك سمادياروۆ مالىمدەدى.

«يراكتا جۇرگەن كىشكەنتاي قازاق بالالارىن ەلگە الىپ كەلەمىز. جاقىن ارادا بولۋى كەرەك. وسى ايدىڭ ىشىندە... ناقتى قاشان ەكەنىن ايتا المايمىن. بالالاردىڭ شەشەلەرى سوتتالىپ، تۇرمەدە وتىر. سوندىقتان، بالالارى جات ەلدە قالماسىن دەپ، وسىنداعى تۋعان-تۋىستارى ءوتىنىش ءبىلدىردى. سول بالالاردى الىپ كەلەمىز. ارينە، بۇقارالىق اقپارات قۇرالدارى وكىلدەرىن اۋەجايدان كۇتىپ الۋعا شاقىرامىز»، - دەدى رەسمي وكىل ۆەدومستۆودا وتكەن بريفينگ بارىسىندا.

ەلوردادا 9 قازاندا وتكەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) اۋعانستان بويىنشا جيىنىندا قر سىرتقى ىستەر ءمينيسترى مۇحتار تىلەۋبەردى قازاقستاننىڭ يراكتان 14 بالانى قايتارۋ باعىتىندا جۇمىس جۇرگىزىپ جاتقانىن حابارلاعان بولاتىن. «ولاردىڭ انالارى سول جاقتا ءومىر بويىنا باس بوستاندىعىنان ايىرىلعان»، - دەگەن ەدى مينيستر.

 

سوڭعى جاڭالىقتار