3 قاراشا, 16:57 386 0 الەۋمەت انار لەپەسوۆا

نۇر-سۇلتان كوشەلەرىن سۋ باسۋ ماسەلەسى شەشىمىن تاپپاق

ەلوردا اكىمى التاي كولگىنوۆ «جاستار» ىقشام اۋدانىنداعى تازارتۋ قۇرىلعىسى قۇرىلىسىنىڭ باستالۋ بارىسىمەن تانىستى.

مەملەكەت باسشىسى قالا اكتيۆىمەن وتكەن جيىندا جاۋىن-شاشىندىق كارىز جۇيەلەرىنىڭ قۇرىلىسى بويىنشا جۇمىستىڭ قارقىنىن كۇشەيتۋدى تاپسىرعان بولاتىن. جاڭا قۇرىلىستاردىڭ قۋاتى 40 مىڭ تەكشە مەتردى قۇرايدى، بۇل نوسەر كاناليزاتسياسىنىڭ وتكىزۋ قابىلەتىن ايتارلىقتاي جاقسارتۋعا مۇمكىندىك بەرەدى: بوگەتسىز جيناۋدى، جەر ءۇستى اعىندارىن بۇرۋدى جانە تازارتۋدى قامتاماسىز ەتەدى. قازىر جۇمىس ىستەپ تۇرعان جيناعىش توعاندى قۇرعاتۋ جۇمىستارى اياقتالىپ، جەر استى تازارتۋ قۇرىلىسىنىڭ قۇرىلىسى باستالدى.

بۇل تازارتۋ قۇرىلىستارى تاشەنوۆ، باراەۆ، ءۋاليحانوۆ، يمانباەۆ جانە رەسپۋبليكا داڭعىلدارىنىڭ سۋ باسۋىن بولدىرماۋعا مۇمكىندىك بەرەدى. تازالاۋ قۇرىلىسى جەر استىندا ورنالاسقاندىقتان، قۇرىلىس الاڭىنىڭ ءۇستى اباتتاندىرىلىپ، تىنىمباق ورناتۋ قاراستىرىلعان. قۇرىلىستى 2021 جىلعا قاراي اياقتاۋ جوسپارلانىپ وتىر. بۇگىنگى تاڭدا ەلوردانىڭ جاۋىن-شاشىندىق كارىزدىك جۇيەسى 14 تازارتۋ قۇرىلعىدان، 3 جيناقتاعىش توعاننان تۇرادى.

سوڭعى جاڭالىقتار