2 قاراشا, 11:38 452 0 تۇلعا انار لەپەسوۆا

ساعىمباي قوزىباەۆ – 75 جاستا

وتاندىق جۋرناليستيكانىڭ نەگىزىن قالاعانداردىڭ ءبىرى – قازاقستان جۋرناليستەر اكادەمياسىنىڭ پرەزيدەنتى، تاريح عىلىمدارىنىڭ دوكتورى، پروفەسسور ساعىمباي قوزىباەۆ بيىل 75 جاستا. ايتۋلى مەرەيتويعا وراي  عالىمنىڭ ءوزى 45 جىل ەڭبەك ەتىپ كەلە جاتقان ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە عىلىمي كونفەرەنتسيا ءوتتى.

جيىن مەرەيتوي يەسىن قۇتتىقتاۋدان باستالدى. ساعىمباي قوزىباەۆقا اقپارات جانە قوعامدىق دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسى، ءبىلىم جانە عىلىمي مينيسترلىگىنەن «ى.التىنسارين»، ءال-فارابي اتىنداعى قازاق ۇلتتىق ۋنيۆەرسيتەتىنەن «ەرەن ەڭبەگى ءۇشىن» توسبەلگىلەرى تابىس ەتىلدى.

45 جىل بويى ءبىلىم بەرۋ ىسىنەن قول ۇزبەگەن ساعىمباي قوزىباەۆ – گەرمانيا، سينگاپۋر جانە امەريكا قۇراما شتاتتارىندا ءدارىس وقىعان پروفەسسور. 7 عىلىم دوكتورى مەن 26 عىلىم كانديداتىنىڭ عىلىمي جەتەكشىسى. الەمدىك جۋرناليستيكا تاريحى مەن وتاندىق بۇقارالىق اقپارات قۇرالدارىن زەرتتەگەن عالىم، كورنەكتى پۋبليتسيست. ساعىمباي قاباشۇلى بۇگىنگە دەيىن مىڭنان استام پۋبليتسيستيكالىق جانە عىلىمي ماقالا جازىپ، 54 كىتاپتىڭ اۆتورى اتانعان.

ايگۇل رامازانوۆا، فيلولوگيا عىلىمدارىنىڭ دوكتورى:

– بۇل كىسى سوڭعى جىلدارى قازاق سوزدەرىن ورىس ءتىلدى ماتىنگە قولدانىپ ءجۇر. بۇرىن تەك ءسوز قولداناتىن ەدى، ال سوڭعى جىلدارى تاقىرىپقا قازاق ءتىلدى سوزدەردى قولدانا باستادى. بۇل وتە جاقسى ءۇردىس دەپ ەسەپتەيمىن. قازاق ءتىلىن ورىس اۋديتورياسىنا ناسيحاتتاۋدا ايرىقشا ۇلەس قوسىپ كەلە جاتىر.

سوڭعى جاڭالىقتار